مساعدة أبي طريقة الجريش والهريس

تفضلي الطريقه حبيبتي

الهريس
كأس من حبوب الهريس منقع من الليل
– ماء مغلي
– لحم أو دجاج
– بصل مفروم
– سمنه
– ملعقتين زيت للحمس
ملح

الطريقة :
يحمس البصل مع الزيت ثم يضاف الماء و الهريس والدجاج أو اللحم ويترك على نار هادئة ما بين 4 إلى 6 ساعات ثم يضرب ويحرك جيدا ويضاف له السمنة ويقدم ..
– وذوبانه يعتمد على نوعية الحبوب لأن بعضة يذوب بسرعه وبعضه لو طول يبقى زي ماهو .

طريقة ثانية

طريقه بسيطه لعمل هريس الدجاجاو اذا اردنا لحم بدل الدجاج

المقادير:
جدر هريس .. ومضرب خشبي (( اللي ما فيها شده على الضرب .. ممكن تستخدمين الخلاط الكهربائي.. "يستخدم لخلط الكيك))

10 اكواب ماء
2 دجاجه منصفه (( مقسومه لنصفين))
3 وثلاث ارباع اكواب حب الهريس .. المنقوع لمده 6ساعات
1 ملعقه طعام ملح
دهن قطري .. او (سمن بلدي)..

الطريقه ..

يسلق الدجاج في قدر الهريس لمده نصف ساعه
يصفى الهريس من الماء المنقوع فيه.. ويضاف للسلق ويترك 3 ساعات على نار هادئه جداً وهو مغطى

قبل ضرب الهريس ترفع العظام غير المرغوب فيها (( سهله الرفع .. لانها تكون واضحه وبارزه ))

يضاف الملح بحسب الذوق ..

يضرب الهريس بالمضرب الخشبي .. او الكهربائي
ثم يوضع في صحن القديم..ويصب عليه الدهن القطري او السمن واللحم
مده السلق اكثر (( ساعه تقريبا مع قطع البرتقال اوالليمون .. يلين اللحم اثناء السلق .. ولازم تشلين الزفاره كل اشوي
وبعدين تتبعين نفس الطريقه

منقووووووووووول

هريس اللحم

المقادير

2/1 نصف كيلو لحمة هبرة

2 كوب حب هريس منقوع مسبقا في الماء

ملعقة طعام ملح

ملعقة صغيرة فلفل أسود

5 أكواب من الماء

********
وبالنسبة لهريس الدجاج
استعملت نفس المقادير بس بدل اللحم استعملت نص دجاجة

********

الطريقة

نضع جميع المقادير في وعاء الضغط و نسلقهم لمدة ساعة إلا ثلث ( 40 دقيقة )

ثم نقوم بفتح غطاء القدر وان احتاج الأمر يضرب بمضراب الكهرب

حتى يصير ناعم جدآ

وبعدين نحطه في طبق التقديم

ونضع فوقه قليل من الزبدة المذوبة على النار

منقوووووول

http://www.q8yat.net/showthread.php?…t=%E5%D1%ED%D3

الجريش طريقته منقوله من بنت كويت ان يو اس اي

شوفوا ابوي احسن جريش الامارتي لايعلي عليه
اقولج طريقه تسوينها:تقصين بصل وتقصين طماط عدد 3 وتحمسنهم ببهاراتج الطيبه او ممكن بس كاري وفلفل اسود_تالي تقطين اللحم ولو يكون هبر افضل واذا تبين دياي هم كيفج جنج قاعده تسوين مرقه ولاتنسين اللومي حبتين ومعجون طماط واحد تالي تصبين ماييج وتخلين اللحم ينضي واذا كان دياي شيلي العظم عشان لاتعابلين فيه حزت الضرب وخلي كل مانقص ماييج صبي ماي_لمن تحسين انه لجم ناضي يبي جريشج تكونين غاشلته عدل مو منقعته بس غسيل

وصبي واول فقاعه تقطق وياج قصري علي الجوله وكل 3 دقايق او 5 دقايق قلبي الجريش عشان لاتصير حكوكه والماي خليه فوق الجريش بمقادر نضرج بقلاسين وكل مانقص الماي هم صبي قلاسين خلي علي الجوله عقب الجريش تقريبا ساعتين ونص _عقبها خليه يبرد وضربيه ولاحظي انه الماي يكون قل نوعا ما واذا حسيتي بالضرب ماذيج زيدي شوية ماي

الحشوه:بصل مقصصته تحمسينه بالدهن شوي وتحطين لومي مطحون وفلفل اسود وملح

ملاحظه:لاتضيفين الملح ليمن حزت الضرب

مشكورة حبيبتي وجزاااك اللة خير