بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
خواتي حبيباتي … محتاجة مساعدتكم باستفسار عن الدكتورة راجني الهندية اللي بمستشفى السيف
انا حامل باول التاسع و حابة اعرف اللي جربت الولادة الطبيعية عندها … شلون كانت معاها و شلون خياطها ؟؟؟ تكفون ابي رايكم و على وجه السرعة 
السلام عليكم
خواتي حبيباتي … محتاجة مساعدتكم باستفسار عن الدكتورة راجني الهندية اللي بمستشفى السيف
انا حامل باول التاسع و حابة اعرف اللي جربت الولادة الطبيعية عندها … شلون كانت معاها و شلون خياطها ؟؟؟ تكفون ابي رايكم و على وجه السرعة
بس المستشفى بصراحه هدووووء
عكس باجي المستشفيات كانج داشه سوق او جمعيه
وبعض الدكاتره مثل الحيان يفضلون يولدون بالسيف لان متكامل من ناحية الاجهزه الطبيه والستاف الخبره
والدكتورات الهنديات بشكل عام حيل شطار
انا دكتورتي بعيالي الثلاث هنديه بالهادي اسمها رشمي رووووعه خياطها
بس لاني كرهت المستشفى بكبره فاابي اغير
ونصيحه استخيري قبل اي شي وماخاب من استخار
وعسى الله يسهل عليج ويهونها يارب
وهذا اللي اقدر اساعدج فيه
هذا امر الله بس كرهتها
والدكتوره جنها راحت المواساة تاكدي
الدكتوره راجني كنت أراجع عندها بس ما حبيت انها تولدني مع انها شاطره بس سبحان الله دشيت عند الدكتوره اليوغسلافية تستفانا و قلت بس ابي هذي اللي تولدني لانها بشوشه و كله مبتسمه مشالله عكس راجني وايد جد و انا اهم شي عندي نفسية الدكتوره و الحمدلله توني والده من تقريبا ثلاث أسابيع و كانت تجربه ناجحه و لله الحمد و التساهيل من رب العالمين
شكرا للمشاركة حبيبتي … بغيت اسالج خياطها زين ؟؟؟ و بالنسبة للمصاريف شكثر طلعت معاج ؟؟؟
واسعاره زينه انا فريت عالمستشفيات وايد اوفر وكافي الواحد نفسه مرتاحه انتي شوفي نفسج اول وروحي اخذي ورقة لاسعار عند الرسبشن وتقدرين اتشوفين لغرف
انا اشوف اكثر شي يمدحون بالمستشفى ولي يذمون قليل وكل مستشفى فيه الشين وفيه الزين كل واحد الله شنو كاتب له
وسامحيني طولت عليج …
والله يسهل يارب