مساعده ضروري وبسرعه ابي طريقة مجبوس الدياي المضبوطه

مشكورة حبيبتي بشاير

شدعوه بنات ولا وحده بتساعدني

شلون اغسل الدجاجه عدل من الزفره

منــو تعلمنــــي طريقــة الـــمجبوس ؟؟ بنات فيدوني بليــز

آنا رادة عليج متأخر بس ما عليه ان شاللع تستفيدين حق مرة ثانية

راح أكمل على كلام جارونة ماله داعي أعيده

حق 3 أشخاص تقريبا ديايتين كبار يكفون على فرض إن كل شخص راح ياكل نص دياية

عاد حسب تقديرج وحسب الأشخاص اللي يايينج في ناس ربع دياية تكفيهم

بالنسبة لي حق دياية وحدة أحط

عود دارسين

5 حبات مسمار (قرنفل)
5 حبات فلفل أسود
5 حبات هيل مفتوح
3 أوراق غار
نص قفشة صغيرة لومي بودرة
نص قفشة صغيرة زنجبيل بودرة
ونص قفشة صغيرة دارسين بودرة
وقفشة صغيرة بهارات الدجاج مجدي
شوية ملح عشان الدياية ما تطلع ماصخة

فوحي الدياي لين يستوي عدل بس ما يذوب

شخليه وقطي البهارات لأنها تضايق بالأكل ولا تقطين الماي لأنج بتجبسين فيه العيش

الحين العيش بالنسبة للعيش إذا تحبون الماجي حطي حق كل 1/2 لتر حبة وتقدرين تستغنين عنه وتحطين ملح

وإذا خايفة العيش ما يطلع مفلفل ييبي ليمونة كاملة مع قشرها، سوي فيها فتحات بالسجين وقطيها مع العيش

وحطي حبتين لومي أسود عشان الطعم وبعدين كبي عيشج

لازم الماي يكون أعلى من العيش بحوالي صبعين تقريبا فإذا نقصج ماي زيديه ماي فلتر

أول ما يغلي الماي حطي الحديدة تحت الجدر وغطيه وقصري النار ونطريه لا تفجينه قبل 20 دقيقة عالأقل

نرد حق الدياي … عندج اختيارين: تقلينه أو تحمرينه بالفرن

في عدة طرق للتحمير

– تحمرينه مثل ما اهو
-أو تفركينه بشوية دارسين بودرة وزنجبيل بودرة
-تدهنينه بخلطة عبارة عن قفشتين كتشب – قفشةوحدة مايونيز – قفشة معجون طماط – نص قفشة خل
-أو تدهنينه بخلطة عبارة عن روب – نص قفشة صغيرة بهارات دجاج مجدي – ربع قفشة صغيرة زنجبيل بودرة – ربع قفشة صغيرة فلفل أحمر- ربع قفشة صغيرة فلفل أسود- نص قفشة كبيرة معجون طماط – رشة ملح (تخلطينهم وتدهنين فيهم الدياية)

اختاري الطريقة اللي تبينها وبعدين اقلي الدياي أو حطيه بالفرن ولاتنسين تقلبينه إذا حطيتيه بالفرن

وبالعافية ان شالله