مسافرات امريكا صوركم سوالفكم .مواقفكم .مشترواتكم . شاركوني

انشالله انا بعد ارد البيت واحط الصور واكتب سوالف ومواقف وانشالله البنات بعد يشاركونا ..

وحياج الله بموضوعي واورلاندو انا وايد احبها ومتولعه فيها .. مو تقولين مو رايحة الا هالولايه لا رايحة نيويورك – شيكاغو (وايد احبها بعد) – ميلواكي في وسكونسون – كليفلاند في اوهايو وعشت طبعا فترة الدراسة في ميتشغن ورحت شهر عسل في هاواي بس اموووووووووووووووووووووووووت باورلاندو احسها ونيسه ..

ضحكوا علي اول ما وصلنا اورلاندو وانا توني طالعة من باب المطار باركب السياره واشم ريحة العشب بعد ما طق مطر واقوووول حق ريلي شوف "السنه اليايه انشالله لي يينا خلنا انطول اكثر" لووووول يقوللي انتي الحين شوفي الوضع استانسي توج واصله باسم الله تفكرين بالسنه اليايه ؟؟ هيهيهي

كل سنه انوي اسافر مكان ثاني مع اليهال مثل استراليا او فرنسا او اسبانيا ولما اعزم على السفر احول لامريكاااااااااااااااااااا

لدرجة اني كنت ناوية اروح ميامي كنسلت لسببين اولا ان ربعنا اللي كانوا ناوين ايوون ويانا مالله كتبلهم وثانيا من عيالي خفت يعذبوني ..

هالسنه الريزورت اللي قعدت فيه كلش ماعجبني نفس العام صايرين خواره بخدمة الغرف ما يونا الا مره وحده بعد اول اسبوع وبعدين ما شفناهم ..

ثانيا حطونا بمبنى قديم ولما كلمتهم علشان ينقلون للمباني اليديده قالوا مافي شواغر" جذابييييييييين" وان اهم حطونا بهالمكان لراحتنا لان الغرفة الماستر كنغ بدروم كبيره وان فيها جاكوزي المبنى اليديد مافي جاكوزي للون بد رووم وسكتنا لان اساسا ما نقعد بالفندق وايد حتى حمام السباحة ما طبيناه الا مره وقبل سفرنا بيومين كله طالعين بره ..

وانشالله اكتب اكثر بس خل اعرف اول شلون اصغر الصور

ما عندج صور؟؟ مواقف تضحك مع عيالج؟؟ شنو شريتوا ما شريتوا المطاعم اللي رحتولها ..