مستجدات الحقوق ،، "هام بخصوص المقابلة الشخصية" ،، حياكم حقوقيات

السلام عليكم

شلونكم بنات عساكم بخير ؟

.
.

ألف مبروك ع القبول

ومنها لاعلى انشالله

وعقبال ما اتخرجون ونشوفكم محاميات اد الدنيا

.
.

لاحظت وايد مستجدات قاعدين يسئلون عن المقابلة الشخصية

ووايد خايفين منها :/

بالعكس بنات المقابلة كللللش ماتخرع

الوضع بيكون غريب عليكم ليش إنكم بتعيشون هالتجربة لأول مرة

أقصد بالتجربة .. قعدتج جدام دكاترة وأساتذة قانون

يمكن الرهبة بس هني

وبمجرد ماتقعدين عاااادي كل شي بيرد طبيعي ونورمال

.
.

سبق وقلت بكذا رد بكذا موضوع

وأرد وأعيد ..

لا تخافون ولا تبينون حق الدكاترة إنكم خايفين

لأن ثقتكم بنفسكم جدا مهمة وبتعطيهم انطباع وايد حلو عنكم

كـ طالبات حقوقيات ومحاميات مستقبلا انشالله ، الثقة بالنفس والجرأة جدا مطلوبين

وحتى لا انسألتوا وجاوبتوا غلط ..

خلكم عادي وريلاكس لأن المقابلة أولا وأخيرا شكلية بحتة

يبون يشوفون فيها دخلتي الكلية برغبتج والا مغصوبة ..

وبس !

.
.

وبالنسبة للأسئلة اللي تنسئل

هذي ورقة وزعتها علينا القائمة المستقلة لما كنا نفسكم مستجدات

وحدنا متصروعين من المقابلة لووول

والصراحة رايتهم بيضة كفوا ووفوا المستقلة فديتهم

ماقصروا والله

وانشالله تستفيدون من الاسئلة اللي بحطها لكم

.
.

تفضلوا حبايبي :

.
.

وهذي بعد سايتات انشالله تفيدكم ،،

موقع القائمة المستقلة بكلية الحقوق www.mostaqillaw.com

موقع كلية الحقوق http://law.hardtask.com/

موقع قيّم مدرسك www.kuniv.net

السايت الاخير حلوو ، تقدرون تسجلون وتاخذون فكرة عن دكاترة الحقوق

وتعليقات وتقييم الطلبة الحقوقيين لهم

.
.

أتمنى أكون كفيت ووفيت

وبس تحتاجون أي شي قولوا لا يردكم إلا كيبوردكم

آنا بالشوفة وانشالله ماراح أقصر معاكم ..

.
.

مابي إلا دعواتكم لي بالتوفيق

وإني أعدي التكميلي على خير

موفقين جميعا