مشتهيه البس بالطو ذرب بالشتا وانا رشيقه ()

السلام عليكم ورحمة الله وبركاته

عزيزاتي انا قررت من اليوم بأذن الله ببلش اكل كل شي صحي وامارس المشي واهم شي ببتعد عن الحلويات والمقالي والمعجنات والمشروبات الغازيه وكل شي يمتن وفيه كالوري ودهون وسكريات بأذن واحد احد اصير رشيقه والبس بالطو مقاسه ميديام قول ان شاء الله
فكرة موضوعي اني راح اصور وجباتي اليوميه من الريوق والغدا والعشا والسناك عشان اتحفز وما اخربط واللي بخاطرها تشاركني اهم شي تكون قدها وماتخربط مابي احد يحبط عزيمتي او يخرب موضوعي فبليز اللي تشوف روحها راح تخورها وتخربط لا تشاركني تكتفي بالتشجيع وهذا من صالحي وصالحكم فديتكم وانا احبكم وايد
طبعا رجيمي ماكو شي معين بحاول انوع بالاكل لاني ماحب التزم بشي معين فراح يكون الدايت متوازن
طبعا كل يوم بليل انزل شنو كليت وبما اني مستانسه بالفكره من الحين بنزل لكم ريوقي وغداي

طبعا نسيت اقول لكم اهمشي راح اعدل نومي وانام 7 ساعات او 8 ساعات الريوق والغدا والعشا بمواعيد محدده والرياضه بموعد محدد لانه الالتزام بالوقت شي مهم ويساعد الجسم على النزول

قعدت من النوم 6

شربت ماي صحه سعه 600 ملل ينص لتر وزياده شوي اللتر 1000 ملل

الساعه 8 الصبح شربا حليب قليل الدسم فرش كي دي كاو + شكر تروبيكانا+عود دارسين

الساعه 9ونص او 10 مو ذاكره بالظبط كان ريوقي
كورنفلكس فيتنيس ويا شكر تروبيكانا ويا حليب بارد كي دي كاو قليل الدسم (للأسف ماصورت)
وهذي صوره من النت السموحه

بين الريوق والغدا وكليت تقريبا 8 او 10 حبات لوز مملح ونسيت اصور ميخالف السموحه

الغدا كان الساعه 3 الا ربع

كان صدر دياي بدون جلد+سلطه+روب+نص قفشه مايونيز +قفشه كاتشب +بين الربع والنص قلاص عصير برتقال

وبما اني ما احب اكل الدياي ناشف نتفته وحطيت عليه الكاتشب والمايونيز ونص علبة الروب وكان يمي

والحمدلله على النعمه
والحين بصلي العصر وبحاول اقيل ساعه ونص او ساعتين

اشوفكم على خير وهالله هالله بالتشجييييييييييييييييع