مشكلتي مع الطعام

حبيبتي وزنك حييييل صغير عن طولك انتي رشيقه !!

اتوقع عندك وسوسه وهالشيء تحتاجين طبيب نفسي فقط اوكي التمارين حلوه للنحيف والمتين

بس ترا انك تروحين الحمام تكرمين والقارئ وتتخلصين منه بالاستفراغ مو زين عليك سمعت انه يضر

ف انتي توكلي ع ربي وكل الي عليك تروحين طبيب نفسي عشان يساعدك تتخلصين من الوسوسه وتقتنعين بنفسك
+ تقرين سوره البقره بنيه الشفاء عشان ترتاحين نفسيا وتساعد باذن الله في حل اي مشكله سواء عضويه او نفسيه وانا مجربه
+ حملي القران كامل او اقل شيء سوره البقره ع جوالك واذا جيتي بتنامين شغليه عندك فالغرفه
يعطيك اطمئنان وتقومين نفسيتك حلوه وباذن الله يساعدك تتخلصين من مشكلتك

الله يطمن قلبك حبيبتي مافيك الا العافيه سوي الي قلت لك وباذن الله تنحل مشكلتك

عيل شوفي بالنت شنو الحلول الي استخدموها و في ناس حالاتهم اسوأ منج و تعالجو الحمدلله ف مافي شي ان شاء الله كل شي ينحل

وبعدين انا بعد اقولج جربي دكتوره نفسانيه يمكن تفيد بس اذا مو حابه مو لازم النت كافي و وافي و لا تمشين ع شي من تاليفج !!!!

عالاقل الي الناس سوتها من دراسات مو من فراغ ف شوفي مواقع الدكاتره الاجانب والعرب

على فكره اللي فيج بوليميا مو انوركسيا لان البوليميا اهي الاستفراغ اما الانوركسيا اهما اللي ماياكلون كلش ! انا كنت نفسج بالضبط بس بدون سالفه الاستفراغ ، على كثر مااقولج هوس مااراح اوصف حالتي وقتها عدل ! وزني كان 50 وكان عندي هوس مو طبيعي يعني بدون مبالغه اقيس وزني 4 او 5 مرات باليوم ، لدرجه حتى الماي اخاف اني اشربه وايد لان ابالي اني كنت ميوعه نفسي وان هالماي راح ينحبس بجسمي ! انا ماوصلت مرحله النحافه بس كنت اعذب نفسي ! ، ولو طلعت مع رفيجاتي اي مطعم وكليت نتفه على طووول استفرغ بس طبعا ماكانت عاده لاني حرفيا كنت اخاف اكل ! ، امي حست اني مو طبيعيه ودايما كانت اتكلمني وقالتلي بتوديني عند دكتور بس نسيت اسمه وانا طبعا رفضت ، انا امي امريكيه فكانت وايد اتعرف عن هالمواضيع واصلا صارحتني انها كانت اتعاني بمراهقتها بعد من نفس الشي ومره اعزمتني على مطعم وحلفت علي اني اكل شوي مره على مره قمت ارد طبيعيه ولا اخاف من الاكل ويكون فيني هوووووس بجسمي ! ، نصيحه ترى انتي بايدج كل شي وبيدج التغيير ولو تبين اي مساعده انا حاضره ..

اكييد الصحه اهم شي
ربنا اعطاني جسمي والمفروض احافظ علي ما اعذب نفسي بالدايت الي ما منو فايده

انا بحاول والله لكن الله فقط بعلم ايه مقدار المعاناة الي بعانيها
والله انا بكافح نفسي كل يوم
يارب وحدك قادر تساعدني
يارب

مشكلتي جربت اكتر من دكتور
احس المشكله نابعه من داخلي

والله مشكلتي كبيرة
يارب

لازم تتسجلي بنادي صحي و يكون جوه حلو عشان تريحين نفسيتك و تستمتعي بجسمك و خلي جسمك رشيق بنعمة مو نقمة