بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قوة ………
لاعت جبدي وانا اسوي هالشوربة هذي ولا راضيه تضبط مع انها سهله !!
هذاك اليوم سويتها وريحتها خنينه بس الطعم الله لايوريكم … والسبب اني حطيت قشة كامله فلفل اسود وقفشتين كمون الحمدالله والشكر
ومن يوم ثاني حطيت البهارات شويه … بس طلعت الشوربة ماي مايووه وعلى قولة الريل ريحتها جاي وطعمها ماي حار …
ياريت وحدة من السنعين اللي يعرفون يطبخون يقولولي شلون اسويها مع مقاديرها بالضبط … يعني بصله وحدة طماطه وحده جزره وحده وكوب عدس … والماي الله يسلمكم احطه على مشتهاتي ! انتوا قولولي جم كوب احط ؟؟؟؟؟
قوة ………
لاعت جبدي وانا اسوي هالشوربة هذي ولا راضيه تضبط مع انها سهله !!
هذاك اليوم سويتها وريحتها خنينه بس الطعم الله لايوريكم … والسبب اني حطيت قشة كامله فلفل اسود وقفشتين كمون الحمدالله والشكر
ومن يوم ثاني حطيت البهارات شويه … بس طلعت الشوربة ماي مايووه وعلى قولة الريل ريحتها جاي وطعمها ماي حار …
ياريت وحدة من السنعين اللي يعرفون يطبخون يقولولي شلون اسويها مع مقاديرها بالضبط … يعني بصله وحدة طماطه وحده جزره وحده وكوب عدس … والماي الله يسلمكم احطه على مشتهاتي ! انتوا قولولي جم كوب احط ؟؟؟؟؟
حطي اشوية ثوم مدقوق وياه واشويه زنجبيل طري مدقوق يعني بحجم قفشه الاستكانه الصغيره … منالثوم والزنجبيل …
حطي كمون اشويه مع بهارات الخضره او 2 ملقعه صغيره مالت الاستكانه كاري
لاتحطين ليمون اسود يخربها …
حمسي العدس وياهم
ضيفي الماي لين يغطي العدس يعني يظل 8 سم اعلى من العدس …. مثال يعني كوب عدس وكوبين ماي ….
خلي العدس يستوي عدل ويذوب ويتشرب الماي …. ضيفي عليه جزر مبشور … و كوسا مبشورة
وبطاط … وصبي كوب ماي …
عليه لين تستوي الخضره ….. حطيهم بالخلاطه
بتطلع لج خاثره …
قدميها مع مكعبات التوست المحمص و شريحه ليمون …. ورشه نعناع طري
يالغاليه
صراحه هذي وصفه احلى شوربه عدس سويتها
1 بصله كبيره مفرومه ناعم
5 فصوص ثوم مدقوقين
1 ونص كوب جزر مبشور
1 وربع كوب عدس
8 اكواب ماء
2 كيس شوربه ماجي
ملعقه كركم المتوسطه طبعا موتترسين الملعقه حيل
ملعقه بهار نفس الشي
ملعقه فلفل اسود مالت الشاي الصغيره
الطريقه تحمسين البصل لحد مايذبل وتحطين الثوم بعدها وبعدها تحطين الجزر
وتحمسين خمس دقايق لحد كل الخلطه ماتذبل
بعدها تكونين غاسله العدس وشاخلته طبعا تحطينه فوق الخلطه وتحمسينهم جميع لمده دقيقتين
بعدها تحطين الماي وتحركينهم بعدها تغطين الجدر وتخلينهم لحد مايستوي العدس
عقبها تخلين الخليط يبرد وعقب مابرد تحطينه في الخلاط وتخلطينه
وبعدها تردينه في جدر ثاني نظيف عقبها تتبلينه بالتتبيلات
واول مايطبخ تقصرين عليه وتحطين شوربه ماجي وخليه على الراحه مع التحريك المستمر عشان شوربه الماجي ماتكلكع تحت
وعقبها شوفي الملح زين او لا واذا ناقص الملح حطي ملح عادي
ويارب تعجبج وتدعيلي بهالشهر الكريم
تسلقين كوب عدس مع حبيتين بطاط مقشره ومقطعه
وبصله صغير
تسلقينهم ثم تضعينهم بالخلاط
تحمسين البصله مع قليل من الثوم والكمون والفلفل الاسودوالكركم تقريبا نص ملعقه صغيره لكل منهم
ثم يوضع عليها خليط العدس والبطاط وقليل من الزبده والملح
بنات علي هالمرور والمساعدة حبيبتي
وأن شاء الله يارب تضبط وياج