مطعم لحم عالفحم بالسالمية أكله عجييييب

السلام عليكم بنات، اشلونكم….. هذه أول مرة لي أضيف موضوع وما أعرف إشلون فسامحوني لو الموضوع مو واضح ….

أمس طلعت من السوق كنت اشتري أغراض حج اليهال … لاقيتهم حاطين لي منيو عالسيارة لمطعم شكله يديد ما سمعت عنه اسمه لحم عالفحم ههههههههه والله الاسم عجبني …. المهم طالعت المنيو ولاقيت شكل شغلهم يشجع ….عندهم سلاطات ومقبلات ومشاوي عالفحم والحلو أرز بالحلبيب و أم علي …. وايييييييي أموت عليها……

المهم مريت عالمطعم أشوفه لأنه كان يمي بالسالمية….. لاقيت المطعم شكله زين ونظيف …. صراحة تشجعت وطلبت أوردر …..

– تبولة، حمص ومتبل، ورق عنب
– كبة بطاط ، كبة برغل وسمبوسة

– جاط مشاوي كبير مشكل ( أبي أجرب كل المشاوي)
– فري
– حمام مشوي
– أم علي
وبعد هم عطوني أرز بالحليب هدية من المطعم
والله ما تأخرو وعطوني الأكل بسرعة ….. ومدير المطعم يقول في خدمة توصيل لو عجبك الأكل لا تتعبين نفسك احنا نوصل للبيت ……

والله بنات أكلهم وايد لذيذ ….. طازج ونظيف وطعمه مميز ….. يقولون شيفاتهم من فندق خمس نجوم بس انا فكرت يخورون ….. بس ذقت الأكل صدج مستوى فندقي

الأهل كلهم عجبهم الأكل ….. السلطات لذيذة والمشاوي وايد عجييييبة ….. التكا مالتهم مميزة احلى من أي مطعم وكل المشاوي عندهم تهبل …..

انا ما أكل حمام وفري بس ريلي يموت عليهم ……. ومدحلي وايد في المطعم …..

وام علي سوها لي في فخارة وكانت بعد وايد حلوة أما الأرز بالحليب من حلاته لازم تجربوه …..

ما أعرف اشلون احمل صور علشان جذي بحطلكم موقعهم غالفيس بوك تقدرون تطالعون المنيو …… وان شاء الله نطلب منهم باشر حق الأهل

وهذي أرقام المطعم لمن تبي تجرب ….. 65534099 – 55440721

http://www.********.com/#!/pages/Lah…12446965502835

اتمنى اني يكون في موضوعي الافادة وفي انتظار ردودكم الحلوة …..