معقوله هالكلام ؟!!!

السلام عليكم ميعا عضوات منتدى كويتيات

بقولكم سالفتي اليوم لما رحت لاول مره المستشفى اجيك على الوضع بالنسبه لي لاني حامل ..

الله يسلمكم انا يوم السبت الي طاف سويت تحليل عزكم الله البول بالبيت وكان الخط الثاني خفيف مالاحظته الا لما طلعت عزكم الله من الحمام وبدا يغمج ..

طبعا المفروض اليمعه الي طاف كانت تييني الدوره لانه دورتي ماشاءالله منتظمه وما تتأخر الا اذا كنت حامل وكل 28 يوم تنزل علي ..

المهم تميت لي السبت وما حطيت امل بتحليل البول وانتوا بكرامه ..

فيوم الثلاثاء الي طاف رحت مع زوجي وسويت تحليل دم بمستشفى طيبه كلينك وكانت النتيجه بوسيتيف

طبعا فيه حمل ..

المهم اليوم رحت المستشفى حبيت اجيك على وضعي بما اني ما حملت الا بعد 3سنين و7شهور من عمر بنوتي الله يخليها ..

فخذوا الاقوال المعروفه والمعتاده متى اخر دوره ..وجم بيبي عندج ؟ ووووالخ

المهم قلتلهم حبيت اجيك فخذوا ضغطي ووزني ..

وسويت سونار لاني اذكر على بنتي في حدود الشهرين تقريبا ماني متأكده سويت سونار اول بدايه فوروني

النبض مادري المهم سبحان الله شي صغير يتحرك بسرعه فارتحت ..

ولكن هالمره الاخت الي اول مره ادش عليها على بو الدكتوره الي ابيها اليوم ترجع من السفر او باجر

سوتلي سونار ولا تقولي مو قادره اشوف شي مو مبين عندي ..

عاد الي معاها مصريه السستر ولا تقولي الظاهر انه تو الناس مو مبين شي صغير حيل وانتي لسه صارلج شهر واربعة ايام

انا الي حبيت انهم يوضحون لي شنو يعني ..

انا حامل ولا لأ قلتلهم انا ما تتأخر علي الدوره تأخرت هالمره وسويت تحليل بول عزكم الله ودم والاثنين نتيجتهم حمل ..

خلتنا محتارين انا وزوجي والحين حدي خايفه اذا مو حامل عيل ليش ما نزلت الدوره ؟ وليش بالتحليل طلع اني حامل

والاخت الدكتوره تقولي موشرط يكون التحليلين صح

بذمتكم هذا كلام منطقي ؟!!!

انا بحمالي على بنتي سويت التحليل بطيبه كلينك وهالمره بعد

انزين اذا الدوم غلط عيل البول وانتوا بكرامه شنو ؟! هم غلط بعد

فيدوني يا بنات الي تعرف بهالأمور اكثر وجزاكم الله الف الف خير وعسى الله يرزق كل محرومه وابي دعواتكم

هل فعلا تو الناس اني رحت سويت سونار ومو مبين لانه صغير وايد ولا شنو

ومشكورين مقدما ويعطيك الف عافيه