معكرونه المشروم الفرش والكريما والجبن كل من سالني عنها حياكم:)

السلام عليكم اكلة لذيذه وخطيررة كل من سالني عنها وهي المعكرونة بالمشروم الفرش:-

المكونات:-

جيس معكرونة

قوطي كريمة حمرة صغير

جبن موزيريلا

بصلة

فص ثوم

دهن

مكعبين ماجي

مشروم فرش على حسب رغبتج تبين وايد ولا شوية

نص قفشة صغيرة ملح

الطريقة:-

نغلى المعكرونه ونصفيها ونخليها على صوب

انييب جدر وانحط شوية دهن بعدين نحط البصل بعدين نحط الثوم بعدين نحط المشروم الفرش ونحمسهم ليمة يستوي المشروم ونحط الملح بعدين انييب الكريمة ونحطها فوقهم بعدين لمة الخلطة تصير كثيفة انحط الجبن فوقهم مو شرط كل الجيس على حسب رغبتج بعدين لما يذوب الجبن نييب المعكرونة ونحطها مع الخلطة ونقلبها

وراح تاكلون اصابعكم وراها

وبالهنا والشفا
وما ابي منكم غير الدعاء لي ولعيالي وزوجي ووالديني

مع تحيات ام مريوم