معكرونه بالدجاج والمشروم على طريقتي الخاصه

السلام عليكم

انا من زمان بعيده عن قسم الطبخ قلت خل انزل لكم وصفه سويتها امس على الغدا

المقادير :
معكرونه اي نوع تحبينه
4 صدور دياي خاليه من العظم ومقطعه قطع رفيعه
2 طماط مفروم
2 بصل مفروم
2 فلفل بارد (يفضل لونين احمر واخضر)
مشروم
2 فص وم مهروس
2 مكعب ماجي مذوب في ربع كوب ماي حار
1 فلفل علب حار
جزره وحده مبشوره
علبة معجون طماط
2 ملعقه صلصة صويا
1 ملعقه ريجان مجفف او اريغانو
بهارات مشكله

الطريقه :

اول شي نفوح المعكرونه بماي ولمح وشويه زيت

وفي جدر ثاني نحط دهن وعليه البصل والثوم والفلفل الحار لين تطلع ريحته
وبعدين نحط فقه الدياي وحمسهم مع بعض عدل وتالي نحط فوقهم باجي الخضروات والفطر ومعكبات الماجي اللي مذوبين في ربع كوب ماي حار والبهارات والصويا والمعجون

ونحمسهم مع بعض على نار متوسطه
تاخذ لهم تقريبا ثلث ساعه لين تحسين ان الدياي استوى

وبعدين نحط الحمسه اللي سويناها فوق المعكرونه

وطبعا انا سويت معاها شوربة كريما الفطر مالت كنور بس ضفت عليها فطر معلب

والحين نشوف الشكل النهائي للوصفه

وهذي الشوربة وقت التقديم

وطبعا مالنا غنى عن السلطة

وان شاء الله تعجبكم الوصفه والشرح يكون واضح