معكرونه مع الدياي والكريما

هاي بنات عندي لكم اكله صج روعه الكل كلاها اعجبته يطلبها ممره ثانيه بس للاسف ماعندي الصور
اولا المقادير
3 كريما حمرا كي دي دي والحين ماكو منها بالجمعيات عشان المصنع محترق فنستبجلها بكريما المراعي
3 بصل مقطع شرائح مقطع بالطول
2 فلفل رومي اصفر 2 فلفل رومي احمر و3فلفل رومي اخضر وكهم مقطعين طوال
واثنين دياي اتكونين فايحتهم مخلصه ببس بدون عظم

ومعكرونه لو تكون حلزونيه ملونه هم احسن بس اي نوع ثاني عادي

والحين نبدي
تحمسين البصل لما يصير بني وبعدين اتقطين عليه الفلفل الرومي همن اتخلينه لما يذبل شوي بعدين اتقطين عليه الدياي وفوقه المعكرونه مع الكريما واتخلينه 5 دقايق بعدين اتشيلينه واتحطينه ابايركس وتبشرين فوقه جبن كرافت او اي جبن شيدر ثاني كيفج واتغطين البايركس بالقصدير واتخلينه نص ساعه تقريبا بالفرن
وبس بعدين طلعيييه امبيه لذييييييذ انا قبل اسبوعين تقريبا سويته حق رفيجاتي ينو عليه بعدها اطلبوه مني مره ثانيه وليلحين يحنون يبونه بس مالي خلق اسوي
وبالعافيه مقدما