معكرونية بالمشروم مع الكريمة بالخطوات من دموع الكويت

السلام عليكم

اليوم طبقنا وايد سهل ولذيذ والحلو فيه ما ياخذ وقت

المقادير :
=======

– معكرونية اي شكل تفضلينه .
-بصل مفروم.
-مشروم.
-كريمة kdd.
-جبن مبشور.
-مكعبات ماجي.
-فلفل اسود .

الطريقة :
======

1- نفوح المعكرونية بماي وملح واشويه زيت لحد ما تستوي .

2- نصفي المعكرونية ونخليها على جنب .

3- نحمس البصل مع الزيت .

4- بعد ما يحمر البصل نضيف مكعبات الماجي والفلفل الاسود .

5- نضيف المشروم ونحمس .

6- نضيف الكريمة .

7-نضيف المعكرونية ونخلطها اشوي اشوي مع الكريمة .

8- نضيف جبن مبشور .

9- بعد مع خلطنا الجبن .

نحطها بطبق التقديم وبالعافية ….

الشكل النهائي

هالشي اختياري ممكن تضيفون جبن مبشور على الويه

وان شاءالله تعجبكم

ولا تنسونا بدعواتكم