معلمات الاجتماعيات ابتدائي ,, حياكم,, القهوه جاهزه لكم

هلا والله اختي
اكيد في فرق بين تحضير الثلاث مواد

ودي والله احط لج التحااضير بس المشكلة مو شغال السكنر ,, لو قدرت راح احطلج
لكن سوي بحث بهالموضووع بالانترنت راح تلااقين
وسوري حبيبتي انشالله الباجي يفيدوونج
تحياااتي

هلا اختي
حياج الله معانا في هالماده الحلوه
أولا الاجتماعيات غير عن التربيه الوطنيه كل وحده فيهم تحضير بروح , ومادة مهارات الحياة مو بس حق الاجتماعيات لأ, كل قسم يدرسها لمدة ست أسابيع وكل قسم له كتاب بروح..
أنا ماعرف أنزل لج ولو أعرف جان من عيوني حبيبتي بس راح أحاول أكتب لج تحضير من الصف الخامس مادة الاجتماعيات الدرس الأول :
اول شي بقولج ان تقسيمة تحضيرنا تتكون من
1- الماده العلمية 00 (( الحقائق ))
2- الأهداف السلوكيه 00 (( تكتبين فوق الاهداف السلوكيه .من المتوقع بعد نهاية الدرس أن يكون الطالب قادرا على أن :
3- أنشطة النمو
4- التقويم المصاحب
راح أكتب لج حقيقه وعليها هدف سلوكي ونشاط نمو وتقويم مصاحب على الهدف وطبعا راح يكون ترتيبهم على شكل خانات جنب بعض
الماده العلميه : تتنوع البيئه في دولة الكويت بين بيئه بحريه وبيئه صحراويه

الهدف السلوكي : يعدد أنواع البيئات في دولة الكويت ( معرفي / تذكر )
أنشطة النمو : يستمع الى شرح المعلم ليعدد أنواع البيئات في دولة الكويت
التقويم المصاحب : ضع علامة صح أو خطأ امام العبارات التالية :البيئه في دولة الكويت صحراويه .( )
وبنفس الطريقه باقي الدرس
وبالتوفيق ان شاء الله

كلهم ينقالهم مدرسات اجتماعيات بس كل ماده لها تحضير يختلف

بالنسبه لي من الاسهل اول شي حياتيه وانا درست وطنيه وايد حبيتها وعندج الاجتماعيات ماغيره الي عارفينا من اايام المدرسه مع بعض التطوير

وودي احطلج التحضير بس ماعرف بس ترى سهل لاتحاتين وموفقه

باذن الله باجر احط لج نموذج

الله يوفقنا واياكم يارب ..

بنت الكويت <<<< الله يوفق الجميع شكرررا على مرورج

السلام عليكم

عذرا أخيتي على التأخير

هذا نموذد تحضير اجتماعيات للصف الثالث
لدرس بعنوان ( خريطة بلادي )

المفاهيم :
المسطح المائي – الحدود.

الحقائق :
1- دولة الكويت تقع في وسط العالم .
2- تقع دولة الكويت بالنسبة إلى الوطن العربي في جهة الشرق
3- اسم المسطح المائي هو الخليج العربي .
4- يقع الخليج العربي بالنسبة لدولة الكويت في جهة الشرق
5- اسم الدولة المجاورة لدولة الكويت من جهة الشمال الغربي هي الجمهورية العراقية
6- اسم الدولة المجاورة لدولة الكويت من جهة الجنوب هي المملكة العربية السعودية
7- الحدود هي الخطوط التي تفصل بين الدول .

الأهداف :1- أن يقدّر المتعلم قيمة موقع دولة الكويت بالنسبة للوطن العربي
2- أن يحدد المتعلم على الخريطة اسم المسطح المائي
3- أن يحدد المتعلم على الخريطة الدول المجاورة لدولة الكويت
4- ان يذكر المتعلم تعريف الحدود
5- أن يصل المتعلم بالتتابع الحسابي ليصل إلى دولة غالية على قلوبنا
6- أن يحسن المتعلم الاستماع للدرس

أنشطة النمو :1- باستخدام شفافية تحتوي على خريطة الوطن العربي :
انظر الى الشفافية وحدد :
-موقع دولة الكويت بالنسبة إلى الوطن العربي
-اسم المسطح المائي
-الدول المجاورة لدولة الكويت .
2- اقرأ من الكتاب المدرسي ص ( ) تعريف الحدود .
3- انظر الى نشاط (2) من الكتاب المدرسي ص 15

– وصل بالتتابع الحسابي لتصل إلى دولة غالية على قلوبنا .

التقويم المصاحب :
1- اذكر اذا كانت الاجابة صح أم خطأ :
– تقع دولة الكويت بالنسبة إلى الوطن العربي في جهة الغرب
2- اكمل العبارة التالية :
– اسم المسطح المائي …………
– الدول المجاورة لدولة الكويت ………….. و …………..
3- حدد على الخريطة :
– اسماء الدول المجاورة لدولة الكويت
4- عرف :
– الحدود .

اذا في اي ملاحظات او اضافات على التحضير يليت تنورونا

وبالتوفيق يارب
مانبي الا دعواتكم الطيبة
واي شي تامرون عليه حاضرين

السلام عليكم

اختي( أنواري 24)
رديت على رسالتج الخاصة بس الظاهر مارضى يستقبلها

واختي (صباح الليل )

ان شاءالله اساعدكم باللي ربي يقدرني عليه

شتامرون فيه بالضبط

اي مادة وأي مرحلة عشان احاول احطه

وللامانة خبرتي مو وايد سنتين فقط ومادرست جميع المراحل
بس اقدر اشوف لكم تحاضير من زميلاتي

الله يوفق الجميع يارب