بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
بعرف المعلمات اللي سووا معهم مقابلات للتعيين شنو الاسئلة اللي طرحوها عليكم ؟؟؟
ارجو التكرم بالاجابة عشان اقدر احضر نفسي
السلام عليكم
بعرف المعلمات اللي سووا معهم مقابلات للتعيين شنو الاسئلة اللي طرحوها عليكم ؟؟؟
ارجو التكرم بالاجابة عشان اقدر احضر نفسي
بما اني معلمة اجتماعيات ان شاءالله اقدر افيدج
شوفي حبيبتي اللى سمعته من زميلاتي انج راح تدخلين علي موجهين اجتماعيات وراح يسالونج كم سؤال شخصي يعني التعريف ببطاقتج الشخصيه
بعدين يسالونج عن الاهداف السلوكيه وكيفية صياغتها واهم شيء يركزون على الاهداف الوجدانية وتنمية المهارات مثل مهارة التفكير والمهارات الاجتماعيه وغيره …. وسألونج عن مواقف تحدث في الصف وشلون راح تتعاملين معاها وكيف تضبطين الصف
وعن الوسائل اللى تستخدمينها … حتى وحده من زميلاتي سالوها عن اسم الكتاب اللى درسته في التربيه العمليه ( وكان سادس الوطن العربي ) وسألوها عن درس معين ماهي الاهداف الوجدانيه اللى وضعتها له وما هي الوسائل والمعينات اللى استخدمتها فيه
والهدف الأهم من المقابله هو يشوفون مدى ثقتج بنفسج وقدرتج على التعبير والمحادثه فخلج حبيبتي طبيعية واثقه من نفسج والله يوفقج
بالمقابله اسئلو رفيجتي .. شنو عناصر الخريطه .. تاريخ 25 فبراير تاريخ شنو ( تنصيب الشيخ مبارك الحكم جنه اذا ماني غلطانه ) مو التاريخ الفعلي للاستقلال .. كان في خريطه وراهم شنو نوعها ..
اذا واجهتنا مصطلحات صعبه وكلمات كويتيه قديمه منوين نطلعها ( في معجم خاص بهالاشياء ) نست شسمه عاد
بس اهم شي ثقتج بنفسج وعدم الارتباك ومن خلال الحجي تبينين نج تحبين التدريس وتتمنين اتدرسين ..
وان شاء الله سهاله ..
عشان الجميع يستفيد
وعن التخصص اللي درستيه
وشنو اساليب اللي تستخدمينها عشان توصلين المعلومة
ترا مقابلة عادية حدها 5دقايق
انا ماخلصت وهما ماطلبونا للحين وونطر نصايحج
1-ابدي بإسم الله وتوكلي على الله .
2- اجيبي عن جميع الاسئلة بصراحة شديدة ولا تتصنعي .
3- المقابلة لقياس مقومات الشخصية وليست لقياس مادتك العلمية .
4- راح يختبرونك تحريريا في البداية حسب تخصصك ( جغرافيا – تاريخ – مواد فلسفية )ونصيحتي انك تجيبي عن جميع الاسئلة ولا تتركي أي سؤال بدون إجابة .
5- الاختبار التحريري راح يكون في أساسيات تخصصك وليس التفاصيل الدقيقة منه .
6- لا تدخلي المقابلة أول وحدة لان الموجهين بعد 4 أو5 معلمات يقللون الاسئلة ويكررونها ويملون ويبون يخلصون .
7-لا تطالعين الارض وانت تجيبين عن الاسئلة بل انظري إلى الموجه اللي يسألك بثقة تامة .
8- إذا اسألوك أي سؤال تربوي قوليلهم انا معلمة جديدة وما مارست مهنة التدريس من قبل .
9- حاولي انك تظهري لهم اثناء اجاباتك انك راح تنمين نفسك من خلال الاطلاعات الخارجية وملاحظات المسئولين عليك ومتابعة التطورات والمستجدات التربوية الحديثة .
10-حاولي ان تكون اجاباتك مطولة وغير مختصرة .
واتمنى اني أكون ساعدتك ولو بقدر بسيط ولا تنسيني بالدعاء ..والله يوفقك ونشوفك معلمة متميزة جدااااا