بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
شلونكم معلماتي
انا توني متخرجه من الثانويه وبدخل انشالله تربيه اساسيه
وودي بتخصص الفنيه لأنه يمدحونه لي والكل يمدحه وسهل وحلو ومريح حتى بالوظيفه
ولمن دخلت الدوره استانست فيه حيل وحبيته
وامي تقول صيري مدرسة دين ابتدائي كـ أجر اولا ثانيا او برستيج ان يعني ماده اساسيه تنجح وتسقط 
مادري تنصحوني ولا لا؟
حتى الدين حلو ابتدائي ودي بس خايفه من الكرااااااااف وشغل يلحقني للبيت ولوووووويه
شلون التدريس عندكم تعب؟
جم حصه تدرسون بالاسبوع … شلون الطلبه .. التحضير .. التصحيح .. يلحقكم شغل واجد للبيت ولا كله تقدرون تخلصونه بالمدرسه ؟؟
ابي التفاصيل وبالاخير شوركم اسلاميه ولا فنيه
وجزاكم الله كل خير
السلام عليكم
شلونكم معلماتي
انا توني متخرجه من الثانويه وبدخل انشالله تربيه اساسيه
وودي بتخصص الفنيه لأنه يمدحونه لي والكل يمدحه وسهل وحلو ومريح حتى بالوظيفه
ولمن دخلت الدوره استانست فيه حيل وحبيته
وامي تقول صيري مدرسة دين ابتدائي كـ أجر اولا ثانيا او برستيج ان يعني ماده اساسيه تنجح وتسقط
مادري تنصحوني ولا لا؟
حتى الدين حلو ابتدائي ودي بس خايفه من الكرااااااااف وشغل يلحقني للبيت ولوووووويه
شلون التدريس عندكم تعب؟
جم حصه تدرسون بالاسبوع … شلون الطلبه .. التحضير .. التصحيح .. يلحقكم شغل واجد للبيت ولا كله تقدرون تخلصونه بالمدرسه ؟؟
ابي التفاصيل وبالاخير شوركم اسلاميه ولا فنيه
وجزاكم الله كل خير
طبعا الإسلامية فيه أجر وااااايد وااااايد تخيلي تحفظينهم قرآن وتزرعين فيهم القيم الإسلامية …والله ليما تشوفين البنت متأثرة فيج ..شعورج ساعتها لايوصف ..شي مو طبيعي ..إنتي تزرعين البذرة في البنات ..الله والله كله تعب بس الإسلامية فيه أجر مو طبيعي إذا أخلصتي العمل لله تعالى فقط
التحضير ألحين التوجيه مع المناهج اليديدة دازة لنا سي دي جاهز بس عليج تنقلينه بدفتر التحضير وإذا إنتي عندج إبداع بتضيفين شي مافي مانع
مع إحترامي الشديد لأبلات الفنية ..طبعا الدين مادة أساسية ولها إهتمام عند الطالبات وعند أولياء الأمور أكثر من مادة الفنية
عليج بالإستخارة قبل كل شي
وموفقة يالغالية
ابله كويتيه
مشكوره ياقلبي ع الرد
بالنسبه لي انا استخرت قبل لا ابدا اعزم ع الفنيه رسمي .. وماحسيت بشي .. لكن امس رحت الدوره واستانست
ما ادري الحين كل ماقالولي اي تخصص احس مابي جنيتي طارت بالفنيه .. حتى قبل الاستخاره كنت محتاره بين الفنيه والاقتصاد المنزلي حيل حيل محتاره .. بس الحين حتى الاقتصاد المنزلي مابيه ابي الفنيه .. تهقين خيره لي؟ ولا يمكن عشان اول يوم داخله دوره واستانست وهبه وبس؟
انا راضيه بالتعب والكراف وكل شي بس ابي اذا رديت البيت مايلحقني شغل ولا هموم احط راسي وانام لأن كافي عليهم 6 ساعات يوميا مابقى باليوم شي
مادري شرايج ؟ يلحقج شغل واجد للبيت؟
أولا كدراسه للتخصص بالكليه ….>>الفنيه كراف بالوسايل والقش والروحات والتفنتك والرسومات وتسهل عليك وتحبينها أكثر إذا لك هالموهبه أو حتى رغبة المغامره لإثبات نفسك بالتخصص..
>>والدين دراسته عادي مثل المواد الادبيه حفظ وقدمي إمتحانك لكن صعوبة هالتخصص بكذا مقرر فيه مثل مادة التجويدإذا ما كانت ماره عليك لأن إختبارها شفوي وكذلك مادة النحو 1و2هذا عاد إنتي وشطارتك فيه ..
ثانيا:كوظيفه: من واقع عملي الفنيه ما غير قهاوي وشاي وسوالف لا شايلين هم مقرر ولا امتحانات مجرد تقييم الطالب كل فتره وعاده ما تكون تقديريه وشغلها بس لي رصد الدرجات وإلا مناوبه أو إحتياط …
>>أما مدرسة الدين لها مسئولية المقرر والتحضير له وإعداد الإختبارات والوسائل للشرح للدروس ورصد الدرجات وتقييم الطالب بحق بكل فتراته ومتابعة وطبيعي لابد لأي مدرسه للماده الأساسيه يلحق شغلها للبيت بس مو كله اذا هي عرفت ترتب امورها في المدرسه …
وفي النهايه يجع الموضوع لرغبتك وعطائك تحسينه باي مجال ينصب اتبعيه….وموفقه بكل خياراتك
إي للأمانة مرات يلحقج الشغل لي البيت بس مو دايما (( آنا الشي الوحيد إللي آخذه معاي التحضير لأني أحب أضيف عليه أشياء ما أحب أنقل من السي دي ))
شوفي الدفاتر والكتب تصلحيهم بالمدرسة
الإمتحانات تصحيح جماعي كل الأبلات يصححون معاج بالمدرسة لأنه نظام كنترول
إذا إنتي شاطرة ونسقتي وقتج تخلصين شغلج بالمدرسة حتى التحضير …تردين البيت مرتاحة
إنتي وشطارتج …بس أكيد مو نفس الفنية …ما أعتقد أبلات الفنية ياخذون شغلهم للبيت
موفقة يالغالية وسألي أكثر