بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم عيدكم مبارك وكل عام وانتم بخير بغت منكم خدمه انل تربيه عمليه وطالبين منا درس علي مستوى المدرسه ودرسي راح ايكون عن مولد النبي للصف الاول الابتدائي وابي افكار غريبه وحلوه للدرس وشلون اقدم الدرس لان بصراحه بدأ التقيم وعليه دراجات وانا ماني عارفه شسوي والدرس راح يكون عقب العيد باسبوع وجزاكم الله الف خير 
بس اب لعيونج
بس عموما
سوي عرض بوربوينت او اشتريه جاهز من مكتبة السنافر سي دي منهج الصف الاول
سوي موقف تمثيلي لما انولد النبي وجده شايله خلي بنت تلبس لبس شايب وتشيل لفة بيبي بس ما يبين منها شي وخليها تتكلم عن تسميته بمحمد حتى يكون محمودا ……الخ
وبعد اذا في مقطع عن اصحاب الفيل ييبي مقطع فيديو مثلا عن هالقصة
امممم حطي اغلب الاشياء تمثيلية بلبس قديم والبادية والمرضعات شايلين الاطفال ومن هالاشياء
شغلي نشيدة في الوقت اللي البنات يكون فيه مثلا تقويم او مسابقة حطي نشيدة عن المولد النبوي ( ولد الهدى- او غيرها اذا تعرفين )
عموما انا ما اعرف شنو بالدرس بالضبط
لكن بنبهج ع الاشياء المهمة اللي بيلاحظونها فيج ما تهمهم الديكورات الزايدة كثر ما يهمهم وقفتج الواثقة واسلوبج المصغر لمستوى بنات اولى وطبعا اللغة العربية المبسطة وتلاوتج للآيات بصورة صحيحة
فتعبي ع التدرب ع الدرس اكثر من الديكورات
وخلي قسمج يهتم بسوالف الضيافة وانتي ركزي ع درسج
ولا تنسين تشركين الكل بالدرس وتصححين الاخطاء للبنات بصوة حلوة
وعوديهم لما تقولين محمد يردون وراج ( صلى الله عليه وسلم ) بصورة جماعية
ولا تنسين الكلمات التشجيعية الحلوة والمبتكرة وشوفي مواضيع ابلة كويتية افكارها ولاااااااااااا اروع وربي يوفقج
راح تسوي جو
اللي اهي تسوين اخر الدرس مثل سحب على جوائز
حطي على كلللل الكراسي اللي بالغرفة ارقام متسلسلة على ظهر الكرسي
بنهاية الدرس شكري الحضور والبنات وسوي سحب على جائزة للكبار وجائزة للطالبات منها فرفشة ووناسة غير ان الهدية المفاجئة تونس