بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
رحت السراج المنير أمس وقالوا لي أنه يقبلون خريجات رياض أطفال وأكدوا لي أنه عندهم نقص ويبون بدون واسطة .. أنا استانست صراحة أخيرًا لقيت مخرج من الروضة على الأقل فيه أمل سألتهم عن المعاش قالوا نفسه ما ينقص ولا فلس لا وبعد كادر الأوقاف أحسن " هذا اللي قالوه لي ما استفسرت بالضبط شلون "
أنا متخوفه من المنهج والطريقة أخاف غير عن الرياض وأنا وحده جديدة مابي أحس أني ضايعه .. هل مناهجهم مثل الرياض ؟ وبشنو فيه اختلاف
هل فيه صرف وقط مثل الرياض ولا شلون ؟
أبي اعرف كل شي يرحم والديكم عندي هالأسبوع بس عشان أقرر .. عشان أحط أسمي بالديوان وأحدد وزارة الأوقاف
المشكلة وزارة التربية الداخل لها مفقود والخارج منها مولود 
يعني إذا صرت مدرسة بالتربية صعبة أنقل للأوقاف إلا بواسطة وإن صارت ماقدر أرجع ثاني مرة للتربية بحال ماعجبني الوضع بالسراج لأنه مادري شنو نظامهم .. لكن أنا قلت أول أقدم على الأوقاف وأشوف إذا ارتحت كان بها وإن ما رتحت أحول وأستقر بالتربية خلااص
السلام عليكم ورحمة الله وبركاته
رحت السراج المنير أمس وقالوا لي أنه يقبلون خريجات رياض أطفال وأكدوا لي أنه عندهم نقص ويبون بدون واسطة .. أنا استانست صراحة أخيرًا لقيت مخرج من الروضة على الأقل فيه أمل سألتهم عن المعاش قالوا نفسه ما ينقص ولا فلس لا وبعد كادر الأوقاف أحسن " هذا اللي قالوه لي ما استفسرت بالضبط شلون "
أنا متخوفه من المنهج والطريقة أخاف غير عن الرياض وأنا وحده جديدة مابي أحس أني ضايعه .. هل مناهجهم مثل الرياض ؟ وبشنو فيه اختلاف
هل فيه صرف وقط مثل الرياض ولا شلون ؟
أبي اعرف كل شي يرحم والديكم عندي هالأسبوع بس عشان أقرر .. عشان أحط أسمي بالديوان وأحدد وزارة الأوقاف
المشكلة وزارة التربية الداخل لها مفقود والخارج منها مولود
وينكم يا مدرسات الرياض و السراج
ولا وحده تقدر تفيدني بشي
وان شاء الله البنات يفيدونج
الإيجابيات :
1) مكان ممتاز وحده مريح .
2) فكرته مثل نادي يدرس فيه قرآن سيرة فقه أخلاق رياضية تربوية رحلات ومسابقات .
3) تاخذين فيه كادر مثل مدرسات التربية .
4) العطل نفس التربية .
5) الدوام مساءا من 4الى سبع ونص .
السلبيات :
1) ان الادارة كل يوم قرار اشكال والوان ليلحين مومستقرين على فكرة معينة .
2) كل موجهة كلامها غير عن الثاني .
3) لازم تتفنين بطريقة الشرح يعني مو تشترين وتخسرين لا بس يعني افكار باللعب في توصيل المعلومة.
بس بصراااااااااااااااااااحة خوش مكان واااااااااايد مريح
وان شالله اكون افدتج بشي
واذا عندج اي استسار انا جاهزه
افهم من كلامج انج مدرسة بالسراج ؟ ياليت تقولين لي شنو تخصصج
و شنو يدرسون مدرسات الرياض هناك أي مادة ؟
مابي أدخل عمياني جذي وأنصدم .. أنا مرات اتنح يبيلي مدة على ما أتأقلم وأخذ على الجو
دوام عصر ماعندي مشكلة إذا كنت بمكان مريح بس بعرف أكثر عنه
احتمال ان شالله أمرهم باجر .. انا رحت لمكانهم الرئيسي بالفروانية بس بروح لفرعهم عندنا بالمنطقة اللي فيه مدرسات وبسألهم بس مو أكيد لانه أخاف ما يدخلوني على المدرسات أو شي
أنتي أملي الوحيد
شنو تنصحيني فيه ؟
ويعطيج العافية يا قلبي تعبتج معاي بس ما عليه أحس أني مشوشه لانه قرار صعب شوي
انا مهمته بهالموضوع عقب ما قريته
بليز بنات لا تبخلون علينا فيه واختي عالي مستواها يريت تتواصلين معاي بالموضوع هنيه عشان اعرف اكثر عن
وعلى قولتج انهم قالوا نفس المعاش
وهل هو قطاع خاص ولا حكومي ؟؟
بنات فيدونا بعد
واذا بحول او بقدم عليه شسوي بالظبط خاصه اني بالتربيه
يعطييييييييكم العايه
انا مدرسة بالسراج خريجة شريعة تخصص اصول فقه
أنا اتوقع لو ان راح يعطونج مواد تسالي او رياضة تربوية او اخلاق هذا اللي اتوقعه
انا توني ادري انهم يوظفون غير خريجات شريعة
انا مرتاااااحة وايد من مكاني وانصح كل وحدة ان تدخل فيه لأن مافيه ذاك التعب
هو شنو خاص ولا حكومي ؟؟ واذا خاص فاشلون على التقاعد مثلا ؟؟
واشلون على الدوام ؟
وجم عدد الاطفال في كل صف؟؟
وجم المعاشات ؟؟
يريت اختي تعطينا تفاصيل اكثر عنه
تأكدي احس ان لج
والكادر مال الاوقاف للمدرسات بدور القرآن والسراج هو نفسه كادر المدرسين
الموظف حطلي القمر بيد والشمس بيد يقول كادرنا اقوى من التربية والزيادة تجيج أسرع وعندنا نقص نبي خريجات رياض صراحة حيل شجعني بس مادري ليش عندي احساس انه غلطان .. أفكر أروح لوزارة الأوقاف نفسها واسألهم لانه اللي أعرفه أغلب مدرسات الرياض يبون السراج بس ما يقبلونهم شلون ألحين يقولي الموظف نبي وعندنا نقص !!
إذا أنتي مدرسة رياض صعبة تنقلين لانها مجازفة يعني بتقدمين استقالتج من التربية وبتقدمين من جديد على الديوان للأرقاف وحطي ببالج سنين الخبرة تروح عليج .. إذا أنتي قديمة حرام والله
أنا توني متخرجه فرش بقدم على طول على الاوقاف – إذا فعلاً يقبلون وكلام الموظف صج – إذا بعدين لا سمح الله ما عجبني الوضع بروح للتربية بعد أمري لله
وتاخذ اجر …………
بس لانه السراج لخريجين الشريعه…الا ان يكونون طلعوا قرار اداري يديد بهالخصوص
لاني متأكده انه بس لخريجين وخريجات شريعه والدراسات الاسلاميه
على العموم دخلي سايتهم وحطي تساؤلج
ومحد بيفيدج بهالخصوص الا عبدالله الكمالي المشرف العام على السراج المنير
لكن سالفه ماكو واسطه هذي خل يكثرون منها بس