مع مجبوس الوالده ولا احلى

السلام عليكم
شلونكم بنات
شخباركم

انا اليوم اول مره انزل طبخه وان شاء الله تعجبكم
طبعا هذا طباخ الوالده
اليوم غدانا مجبوس دجاج

المقادير:

بصله مفرومه ناعمه
5 فصوص ثوم مدقوق
قفشتين صغار بهارات
نص قفشه فلفل اسود
7 كوابه عيش نغسله7 مرات ونقعه ساعه الا ربع
دجاجتين

الطريقه:

نغسل الدجاج 5 مرات ونضيف عليه الليمون والخال ونخلي 10 دقايق
ثم اغسله 3 مرات ونقطع الدجاج الوحده نصفين بعدين نجيب الجدر ونحطه
فيه دهن ونحط البصله الي قطعنها ونحط الثوم الي دقينه ونحمسه بس لا يحترق
نحمسه على نار هاديه واحرص عليه لا يحترق بعدين نجيب الدجاج ونحطه عليه
بعدين نحط 10 حبات مسمار و3 حبات دارسين وقفشتين بهارات طبعا نحط
قفشه بهارات على بطن الدجاجه بعدين نقلبها ونحط القفشه الثانيه على ظهرها
ونحط ربع قفشه فلفل اسود على بطن الدجاج ونقلبها ونحط هم ربع قفشة
فلفل اسود على ظهرها ونطول ونقصر على الجوله ونحط 10 هيلات مدقوقات
وكل شوي نطول ونقصر ونحمسه ونخلي نص ساعه او ساعه على نار هاديه
وهذي الصوره

وبعدين نحط 6 قلاصات ماي ونحط اربع قفاش كبار ملح ونخلي 10 دقايق او 20 دقيقه لما تشوفين
انه الدجاج استوى