مغص الدورة لكن دون دورة

السلام عليكم يا احلى حوامل، حوامل كويتيات، الله يثبت حملكن و يسهل ولادتكن يا رب.

قصتي عجيبة غريبة، الحمد لله، اختكن مسلمه سبقت و مرت بتجربة الاجهاض، الله يحفظكن و يبعدها عن كل الحوامل، نصحني الطبيب اريح نفسي 6 اشهر قبل ما افكر بالحمل، وفعلا، بعد مرورالشهور الستة توكلنا على الله. ولي بالضبط ما يقارب 5 او 6 اشهر احاول مع الحمل، وكنت اعمل اختبار الحمل باليوم الموعود تنزل فيه الدورة فيكون سالب، فتنزل باليوم نفسه او اليوم التالي، و الحمد لله على كل حال. الشهر الحالي يا اخواتي حاولت ما افكر بالحمل، و فعلا لهيت نفسي و ظليت قول الخير فيما اختاره الله.

استنيت الدورة يوم 16 يونيو، ما نزلت، يوم 17 ما نزلت، و احس فيها راح تنزل و لما اشيك ما القى شيء، ظهري ذابحني ما اقدر انام بسببه، و المغص عطول بحس فيه، و فيي افرازات قليله دون لون ولا رائحة. وجسمي ملتهب من الحرارة. قلت يا بنت الناس انت حامل، عملت تحليل منزلي ولا بين شيء، سالب يعني، خخخ، كرهت كلمة سالب

. قلت خلاص، هيك بيحصل معي كل مرة، اكيد راح تنزل اليوم او بكرة، يوم 18 يونيو ولا شيء، 19 ولا شيء، عملت تحليل آخر، سالب، يا ربي، شو هيده. اليوم 20 يونيو وما في شيء، مغص الدورة موجود، لكن دون دورة، وهيدي اول مرة بيحصل معي هيك شي.

اخواتي، والله لعدد المرات اللي انصدمت فيها خفت انصدم مره ثانية، زوجي قالي نروح نحلل دم يوم الاثنين 21 يونيو، واختكم قلبها حاسه راح يوقف. بس ناوية روح احلل دم بكره ان شاء الله، بس ما بعرف ليش حاسة من هله انو سالب. استحلفكن بالله ان تدعين لي، وان كانت هناك تجارب عشتوها تشبه ما امر به حاليا فكلي أذان صاغية. و ان شاء الله انضم لتجمع الوالدات بشهر فبراير. وللقصة بقية. ترقبوها باذن الله. الحمد لله على كل حال. احبكن في الله.