مكالمات بعد الملجه

اقتباس:

المشاركة الأصلية كتبت بواسطة توحه1 كوني على طبيعتج ولا تبالغين بشي لان راح ياخذه عليج ممسك طول العمر ولا تكونين صريحه وايد وتحجي عن الشقه وشنو احلامج وخاطرج يكون فيها

هلا أختي توحه

بعدنا فاول فتره واايد استحي .. هو يفتح حوارات.. اول فتره صعبه يبالي

وقت لين اتعود عليه.. لانا شفنا بعض اول مره فحفلة الملجه. الوالد من قبل

عرض عليه رؤية شرعيه بس قال اهله شافوا ويكفي..

تدرين فحفلة الملجه كنا وآيد مرتبكين ومن كثر ارتباكه كل الي قاله كلمتين

مبروك ويوم عقب رحنا مجلس ثاني مع لمصور عشان نتصور كان ساكت

واختج مصدومه ويوم خلصنا تصوير قال يلا مع السلامه..

مرت ثلاث اسابيع وماطلب يتواصل معي وانا اقول فخاطري يمكن ماعجبتيه

او اني مغصوبه عليه…..الخ ..، عقب تواصلن معاي خواته واكتشفت خطأي

كان يبا يكلمني على طول بس خايف انه ممنوع هالشي عند اهلي..

السكن بيكون لنا قسم فبيت اهله ان شاء الله..

اقتباس:

المشاركة الأصلية كتبت بواسطة مذهلة2013 حبيبتي عادي انا ويه ريلي يدق علي وجذي عادي لاتستحين وااااااايد حلو يكون المستحى باعتدال والله كلميه شنو بخاطرج شنو ودج مستقبلا وياه واخذي راحتج والله لانه هذا نصج الثاني

هلا اختي مذهله

تدرين اليوم هو الثالث لمكالماتنا على بي بي

هو يدش يسلم.. كيف الحال.. يحط فيسات كحوار

المفروض الريال فاول فترة يفتح حوارات وجيه

بس هو هادي.. استحي ابادر فاول فتره

مااعرف شو اسوي..

اقتباس:

المشاركة الأصلية كتبت بواسطة سحــابه هلا اختي مذهله تدرين اليوم هو الثالث لمكالماتنا على بي بي هو يدش يسلم.. كيف الحال.. يحط فيسات كحوار المفروض الريال فاول فترة يفتح حوارات وجيه بس هو هادي.. استحي ابادر فاول فتره مااعرف شو اسوي..

يمكن خجول حبيبتي
احب الريال اهو يبدي ان شاءالله ويه االايام راح تتعودون على بعض حبيبتي

حبه حبه كل شيء يبي له وقت
بالتوفيق

وكملي معاه
واليوم الثاني بليل تمسي على خير وبجذي تبدين معاه نقاش