مكن احد يساعدني بخصوص الطفل المجهري ؟

اول تسوين تحاليل و فحوص كاملة انتي وريلج

بعدين يوم 21 من الدورة تاخين ابر ديكابتيل لمن تنزل الدورة تراجعين الدكتور يعطيج منشط ( ابر )مع ديكايتيل
و تظلين تسوين سونارات جم مرة لمن يكون عدد و حجم البويضات زين

بعدين يعطونج موعد سحب البويضات

تروحين يعطونج بنج كامل و يسحبونها بالمنظار و خلالها لازم زوجج يسلم المني ماله

ياخذون البويضات و يلقحونها بالمعمل

لمن تتلفح البويضات و يصير نموها زين تحتاج من 3-5 ايام

يدقون عليج علشان موعد ارجاع الاجنة اللي بس من الدرجة الاولى

وقت الارجاع سهل بالقسطرة و السونار الدكتور يحط الاجنة بالمكان المناسب

و يعطيج مثبتات

لين موعد التحليل اللي اهوا بعد اسبوعين لازم الراحة التامة و الدعاء بثبات الحمل

عسى الله يرزقج ويرزقنا من غير علاج يااااااااااااااارب