ملحق خاص لتعريف بـ مشاركات : 【 حملة عرايس الرجاء عدم الرد لغير المشاركات 】

المشاركة الأصلية كتبت بواسطة nooone_q8

– جم عمرج ؟
23
– من اي دولة ؟
الكويت
– الحالة الدراسيه أو الوظيفية ؟
دبلوم + اكمل جامعه
( طالبة – موظفة – تنطرين الوظيفه – والأ تنطرين زوج المستقبل عشان تكونين ببيته )
موظفة + طالبه
2- الحالة الاجتماعية :
( لانة في مشاركات متزوجات ومخطوبات الفال للكل )
مو متزوجه

3- متى تكونين فاضيه وتدخلين الحملة ؟
ماكو وقت معين

4- شنو الأشياء اللي ودج نضيفها وتكون بالحملة عشان نستفيد أكثر من بعض
لانة اسبوع كامل يمر علينا واحنا بالحملة نبي نستفيد منه أكثر ؟

ما ينقصها شي
(كل وحده تضبط لنا جدول حق 5 أيام أو الويك أند وأحسن جدول يناسب الكل بناخذة :d)
مااعرف
5- شنو أمنياتج وأهدافج بالحياة اللي ودج تحققينها بالمستقبل باذن الله ؟ واذا في مشاكل اللي تواجهج بتحقيقها ممكن نعرفها عشان نساعدج سواء بالدعاء أو بحلها ؟

أمنيتي اخلص الجامعه وأمسك الشهاده من عقب ما واجهته من مشاكل بالجامعه ..واصير شي كبير في مجال تخصصي الي اهو الاعلام …واتمني اكون زوجه صالحه واربي عيالي احسن تربيه
6- شنوودج يتغير بشخصيتج وتعاملج مع الناس ؟
ودي مو اي احد اصدقه ولا ينكسر قلبي علي اي احد ..

7- شنو المشاكل اللي ودج تعالجينها ببشرتج وشعرج وجسمج؟

الحمدالله علي كل شي ..بس ودي شعري يرد نفس ما كان و احسن ..وودي الاثار الي ببشرتي تروح نهائيا

8- شنو الأشياء اللي غيرتج بالحملة وتنصحين باجي البنات ؟
صرت أذكر الله واايد ..اوما انسي الاذكار

9- اذا بنات الحملة يبون ( يدعون لج بظهر الغيب شنو الدعوه اللي تبين يدعون لج فيها )
( سواء عن الزواج او غيرة ) ؟
أني أتوفق بحياتي ويرزقني ربي كل شي اتمناه ..ويرزقني الزوج الصالح

المشاركة الأصلية كتبت بواسطة قلبي محمد

– جم عمرج ؟
بعد اسبوعين راح اكمل ٣٠ سنة باذن الله

– من اي دولة ؟
الكويت

– الحالة الدراسيه أو الوظيفية ؟
جامعية
( طالبة – موظفة – تنطرين الوظيفه – والأ تنطرين زوج المستقبل عشان تكونين ببيته )
موظفه اشتغل مهندسه في وزاره صارلي تقريبا خمس سنين

2- الحالة الاجتماعية :
( لانة في مشاركات متزوجات ومخطوبات الفال للكل )
آنسه غير متزوجه

3- متى تكونين فاضيه وتدخلين الحملة ؟
تقريبا كل يوم او على حسب متى ما اكون فاضيه

4- شنو الأشياء اللي ودج نضيفها وتكون بالحملة عشان نستفيد أكثر من بعض
لانة اسبوع كامل يمر علينا واحنا بالحملة نبي نستفيد منه أكثر ؟
انا اشوف الحمله ما شاءالله مو ناقصها شي و كل وحده قاعده تفيد خواتها باذكار و ادعيه مفيده
و اذا في بنات ينقطعون فتره و يردون فهذا اكييد من ظروف يمرون فيها

5- شنو أمنياتج وأهدافج بالحياة اللي ودج تحققينها بالمستقبل باذن الله ؟ واذا في مشاكل اللي تواجهج بتحقيقها ممكن نعرفها عشان نساعدج سواء بالدعاء أو بحلها ؟
حاليا امنيتي اني اتزوج الشخص اللي ابيه و تدعولي ان امه توافق على زواجنا و ربي يهديها

6- شنو ودج يتغير بشخصيتج وتعاملج مع الناس ؟
ودي اقلل من عصبيتي اللي تطلع في بعض الاحيان لما اكون مضغوطه او حزينه
بس انا حاليا قاعده اغير نفسي من هالناحيه باني اتعوذ من ابليس الحمدلله رب العالمين

7- شنو المشاكل اللي ودج تعالجينها ببشرتج وشعرج وجسمج؟
حاليا الحمدلله كل شي عاجبني بس هم احب استمر بالعنايه لشعري و جسمي

8- شنو الأشياء اللي غيرتج بالحملة وتنصحين باجي البنات ؟
صرت اذكر رب العالمين اكثر من قبل و عرفت ادعيه و اذكار و حفظتها من هالحمله اللي تخلينا صج نتفاءل الحمدلله

9- اذا بنات الحملة يبون ( يدعون لج بظهر الغيب شنو الدعوه اللي تبين يدعون لج فيها )
( سواء عن الزواج او غيرة ) ؟
أني أتزوج الشخص اللي اتمناه و تتيسر و تتسهل امور زواجي منه و ربي يخليلي كل اهلي و الناس اللي احبهم
و ادعولي ان ربي يسهل زواجي و اتزوج الشخص اللي ابيه و نكون من نصيب بعض بالدنيا و بالآخره و امه تهدا و تطخ و توافق قولوا آميييين

المشاركة الأصلية كتبت بواسطة şώέέţү qţя

جم عمرج ؟

29

– من اي دولة ؟

داري قـطــــر من قدهآآآآآ الشمس تعشق خدهآآآآآ

– الحالة الدراسيه أو الوظيفية ؟
موظفة.. إدارية في مدرسة واذا انخطبت بقعد في البيت عشان اهيء نفسي للقصر الملكي والملك .. ويصرف علي بعد ههههههه

2- الحالة الاجتماعية :
( لانة في مشاركات متزوجات ومخطوبات الفال للكل )

بتزوج ان شاء اللهقريب

3- متى تكونين فاضيه وتدخلين الحملة ؟

عادي ادخل اي وقت بس اكثر شي بالليل من بعد الساعه 8حتى الساعه10 واحيانا اذا سهرت 12

4- شنو الأشياء اللي ودج نضيفها وتكون بالحملة عشان نستفيد أكثر من بعض
لانة اسبوع كامل يمر علينا واحنا بالحملة نبي نستفيد منه أكثر ؟

(كل وحده تضبط لنا جدول حق 5 أيام أو الويك أند وأحسن جدول يناسب الكل بناخذة :d)
رايي من رايج .. نحط موضوع نتناقش ونضيف لبعض معلومات وافادات … مثلاً (الشعر،الاظافر،البشرة، السمنه والنحافه.. وغيرها من الاهتمامات الانوثيه .. او نتكلم عن اشياء دينيه مثلا الاستغفار او الدورة الشهريه والدين او الزوجه في الاسلام حقوقها ومستحقات الزوج عليها … الزبده :تطرحين موضوع واحنا نتكلم فيه وباخر الاسبوع تلخصين لنا الزبده والخلاصه المستفاده من المناقشه العامه للموضوع << ياعيني على اللغة العربيه الفصحى .. حشى مدرسة موب منتدى:d

5- شنو أمنياتج وأهدافج بالحياة اللي ودج تحققينها بالمستقبل باذن الله ؟ واذا في مشاكل اللي تواجهج بتحقيقها ممكن نعرفها عشان نساعدج سواء بالدعاء أو بحلها ؟

الحمد الله كل شي عندي (قولوا ماشاء الله )

بس ينقصني احد يقولي يا ام عيالي وعيال ينادوني يمه

– اتمنى اكون أحلى أسرة (زوج يعشقني واجيب منه عيال انربيهم سوى على دين الله وطاعته )

6- شنوودج يتغير بشخصيتج وتعاملج مع الناس ؟
الخجل ..و دميعتي ..و (اني اصدق اي احد في اي شي) << مادري متى بتعلم ان الناس اجناس موب سوى

7- شنو المشاكل اللي ودج تعالجينها ببشرتج وشعرج وجسمج؟

كل شي اوكي الا شعري مستحيل يرجع مثل اول لو شنووو عطوني عين الله يكفيكم شر العين بس مافي شي مستحيل على رب العالمين الحمد الله وان شاء الله يرجع (قاعده استخدم برنامج كامينوموتو ) واذا تغير شي بقولكم ان شاء الله ..

8- شنو الأشياء اللي غيرتج بالحملة وتنصحين باجي البنات ؟
ماتغير فيني شي الحمد الله انا من اول مثل الحين .. بسسس التشجيع خلاني احسن واحسن مع البنات .. احس معاكم بتشجيع واستمرار وانه معي ربع مثلي واحب اساعدهم واوقف معاهم هذا شي يونسني معاكم

9- اذا بنات الحملة يبون ( يدعون لج بظهر الغيب شنو الدعوه اللي تبين يدعون لج فيها )
( سواء عن الزواج او غيرة ) ؟

أدعووووا لي ربي يرزقني عاجل غير اجل بالزوج الصالح والذريه الصالحه ولكم بالمثل ان شاء الله

المشاركة الأصلية كتبت بواسطة عويتقة

– جم عمرج ؟

25
– من اي دولة ؟

المغرب

– الحالة الدراسيه أو الوظيفية ؟

خلصت ومابشتغل

( طالبة – موظفة – تنطرين الوظيفه – والأ تنطرين زوج المستقبل عشان تكونين ببيته )

ما احب الوضيفة ابي اشتغل فبيتي امي موضفة وتعبت حيل فحياتها

2- الحالة الاجتماعية :
( لانة في مشاركات متزوجات ومخطوبات الفال للكل )

متزوجة بأذن الله ( تقتي كبيرة لله )

3- متى تكونين فاضيه وتدخلين الحملة ؟

مافي وقت محدد

4- شنو الأشياء اللي ودج نضيفها وتكون بالحملة عشان نستفيد أكثر من بعض
لانة اسبوع كامل يمر علينا واحنا بالحملة نبي نستفيد منه أكثر ؟

كللو تمام

(كل وحده تضبط لنا جدول حق 5 أيام أو الويك أند وأحسن جدول يناسب الكل بناخذة )

5- شنو أمنياتج وأهدافج بالحياة اللي ودج تحققينها بالمستقبل باذن الله ؟ واذا في مشاكل اللي تواجهج بتحقيقها ممكن نعرفها عشان نساعدج سواء بالدعاء أو بحلها ؟

ودي اتزوج من شخص متدين وغاض بصرو وطيب ويخاف الله و وسيم ومن عائلة محترمة يعني احنا فالمغرب نسمي مثل هذا الشخص ولد الدار الكبيرة

6- شنوودج يتغير بشخصيتج وتعاملج مع الناس ؟

انا طيبة واااااايد ودي اصير شريرة لوووووووووووول

7- شنو المشاكل اللي ودج تعالجينها ببشرتج وشعرج وجسمج؟

الحمد لله كللو تمام

8- شنو الأشياء اللي غيرتج بالحملة وتنصحين باجي البنات ؟

الحملة خلتني امتنع عن وااايد اشياء والصحبة الطيبة تحفزني اني اصير احسن وماشاء الله البنات حبيباتي اشتاق لهم لما اغيب واحس اني ودي اسمع اخبارهم

9- اذا بنات الحملة يبون ( يدعون لج بظهر الغيب شنو الدعوه اللي تبين يدعون لج فيها )
( سواء عن الزواج او غيرة ) ؟

ودي البنات يدعون لي بالزوج الصالح الي فبالي والله محتاجة دعواتهم لي والله

واخر شي اقول يااااااااااااااااااااااااااااااااااااااااااااااااا اااااااااااااااااااااااارب زوجني انا وبنات الحملة كللللللنا وماتخلي وحدة فينا والله يستر علينا وعلى بنات المسلمين

المشاركة الأصلية كتبت بواسطة مزيونة الخبر

صباح الخير اخباركم بنات حيل احب هالحملة واحب البنات الي فية ساعات احس اني قاعدة معاكم واسولف معاكم وقهوة وشاهي وحلاا هههههه اتعب على التشبية المهم قلتلكم انا من الخبر السعودية عمري 27 ونص اشتغل بمستشفى ارمكو ادارية سكرتيرة ماني متزوجة اتمنى اتزوج واحد طيب وحنون رومانسي ومثقف يحب السفر ويحترم فكر المراءة ويكون مصلي واهلة طيبين ويكون جنتل مان هههه ماخليت شي الحملة ماشاء اللة مانقصة شي ودي اغير بنفسي اطول شعري ههه توني قاصته موب صاحية اقصة وابي اطولة وابي شي يكبر الارداف تعرفون شي يكبره كريم ابي شي موضوعي موشي ينوكل عارفة جسمي بيروح المتن بطني او بكتوفي شنو بعد ودي اتخرج من الجامعه بسرعه واتوظف بمكان احسن من مكان عملي وبث

المشاركة الأصلية كتبت بواسطة تسمح لي آحبكـَ

جم عمرج ؟
22
– من اي دولة ؟
السعودية
– الحالة الدراسيه أو الوظيفية ؟
( طالبة – موظفة – تنطرين الوظيفه – والأ تنطرين زوج المستقبل عشان تكونين ببيته :
طالبه
2- الحالة الاجتماعية :
( لانة في مشاركات متزوجات ومخطوبات الفال للكل)
عزباء
3- متى تكونين فاضيه وتدخلين الحملة ؟
والله على حسب لانه اكون ااهيه بدراستي
4- شنو الأشياء اللي ودج نضيفها وتكون بالحملة عشان نستفيد أكثر من بعض
لانة اسبوع كامل يمر علينا واحنا بالحملة نبي نستفيد منه أكثر ؟
(كل وحده تضبط لنا جدول حق 5 أيام أو الويك أند وأحسن جدول يناسب الكل بناخذة :d)
البنات ماقصروا
5- شنو أمنياتج وأهدافج بالحياة اللي ودج تحققينها بالمستقبل باذن الله ؟ واذا في مشاكل اللي تواجهج بتحقيقها ممكن نعرفها عشان نساعدج سواء بالدعاء أو بحلها ؟
تدعون لي الله يشفيني من العين والحسد حسبي الله ونعم الوكيل ادعوا لي اسمع خبر خطوبتي قريب ان شاءالله
6- شنوودج يتغير بشخصيتج وتعاملج مع الناس ؟
اني استحي واااااايد ودي اصير اجتماعيه
7- شنو المشاكل اللي ودج تعالجينها ببشرتج وشعرج وجسمج؟

توحيد لون الجسم والحبوب اشيلها
8- شنو الأشياء اللي غيرتج بالحملة وتنصحين باجي البنات ؟

تقربت من ربي اهم شي يابنات تحافظون على صلاتكم ودعاءكم تقربوا من ربكم ربي يقرب الناس لكم

9- اذا بنات الحملة يبون ( يدعون لج بظهر الغيب شنو الدعوه اللي تبين يدعون لج فيها ) ( سواء عن الزواج او غيرة)

الزوج الصالح واعيش معاه غعيشه حلوة
السموحة على التاخير