ملف للمنتجات اليديدة اللي تنزل بالسوق – نبي مشاركة

وصلصات السلطة آنا جربت بس هالنوع، بس بصراحة مايازلي وايد، وليزا مرة قالت إنها تخلطهم كلهم سوا ، كل الانواع وي بعض وتحطهم يصير حلو.

والبروست اينن موبس حلو وخصوصا اللي بالفلفل ،، يطلع يشابه اللي بكنتاكي ..

ومشكورة على التشجيع

المهم أمس شفت ستاند يديد مكتوب عليه : جديد خخخخخخخخ
المهم الله يسلمج يا محفوظة السلامه في مثل جياس أشلون جياس الشوربه أو جياس كنور نفس الطريقه

بس اللي فيهم خلطات أكل آسيوي بس في على فلفل وفي على كاري وفي طرق عيش وبرياني جنه
حاطينلج بالجيس كل البهارات اللي تحتاجينها عشان تطلع النكهه مضبوطه حق الأكله ومن وره كاتبين مقادير وطريقة االطبخ
جنه أسمه دلشز فود أو دلشز…. شئ مادري شنو ما أذكر

وفي نفس السنبون بالضبط بس على كستر
سخنيه وأكليه مع قهوه العصاري حلو

وجربت الكيك اللي كاتبه عنه وحاطه صورته
ولقيت سكر الكستر إنشالله اسوي الكيكه باجر من الفجر وأجرب برفيجاتي

وفي بعد ماركه أسمها رد دراجون أو بلو دراجون صوب الشعريه والنودلز
عندهم صلصات للي يحب الجاينيز فود
عندهم صلصة التشاومين(النوداز مع الدياي أو اللحم أو الخضره)
بس تفوحين النودلز وتحطينها عالنار مع الدياي وتحطين الصلصه وكان الله غفورا رحيما تطلعلج النكهه هي هي

بس للحين ما جربتهم لا ترموني خخخخخخخخخخ
بس جربت الكستر مع كيكتج بجوز الهند حلوه بس تغث يعني كليت وحده وعندي ثانيه بس مافكرت آكلها على طول حيل تغث من الجلي والنارجيل

إنشالله فدتكم بشئ وأي شئ يديد أشوفه اقولكم عنه