ممكن تفيدونى عن روضه النخيل .؟؟

بعد قلبي يا دلع ونعومه

اخذيها مني حبيبتي انا خبره 8 سنوات وتنقلت في 4 روضات من يوم التربية العمليه واكتشفت ان الرياض كلها مثل بعض فيها حسنات وفيها سيئات

يعني ممكن تكونين في روضه إدارتها ممتازه لكن المعلمه اللي معاج ما تتعاشر
او تكون المعلمه عسل والمشرفه او الموجهه نسرة
وماكو شي ثابت حبيبتي كل سنه يتغير شي يعني هالنسره تصير وكيله او تتقاعد ويصير عقبها وحده عسل والعكس صحيح…كلها توافيق من رب العالمين

أهم شي انصحج فيه انج تتعلمين الطناش….ولا تعارضين خلق الله بشي….سدي حلجك وبس وطالعي غيرج شنو يسوي…ياما كنت اعترض واداحر الناس واكون على حق لكن للأسف صوت الحق ضعيف لأن البقيه الباقيه من الزميلات يقطونج على صخر ويصير كل شي بوجهك.

خلي شخصيتج قويه ولكن محبوبه …!

الله يعين كل معلمة روضه ويرزقها بالذكاء الاجتماعي…للعيش في أدغال الرياض

وللحديث بقيه حبوبه….

اقتباس:

المشاركة الأصلية كتبت بواسطة المباحث الفيدراليه مادري احس رياض العاصمه وتوجيه العاصمه غير احسن من باقي المحافظات وكله عن تجارب البنات …. العاصمه غير

يسلمو مباحت فيدراليه بس مايمدحون توجيه العاصمه وحولي يقولون ضغط واول قرارات تنزل عندهم ،،،،

اقتباس:

المشاركة الأصلية كتبت بواسطة الحياة والله مايندرى عن التوجيه بس انا بحولي ومرتاحة الحمدلله بس الرياض الجديدة من حيث المبنى حلوة وملومة على بعضها … اما من ناحية الادارة انا بروضة الأبرار والحمدلله إدارتنا 100% مشاءالله قولو مشاءالله والله لا يغير علينا بالأسسوء والبنات مشالله عليهم كلنا على قلب واحد والكل يشارك ويحط وحياكم يا ابلات للي حابة تنتقل

ماشاء لله ولله يوفقج بروضتج ولا يغيرعليكم

بس ماقلتي لنا باي منطقه روضه ابرار عشان تفيدنا اكثر

واي ريوضات الجديده مبانيها حلوه ونظيفه ويقولون تكون خفيفه ماعليها ضغط باطفال مثل روضات قديمه للي بمناطق قديمه ولا انتو شرايكم ؟؟

اقتباس:

المشاركة الأصلية كتبت بواسطة الحياة معلمة روضة انا روضتي بالسالمية الله يعافيج حق السوق كل ماخلصت الدوام امر على السوق ليحد ما يطلعون المتوسطه ههههههههههههههه

امبيه شكلي دايخه ماانبتهت على ردج وسالج وين روضتج السالميه منطقه قديمه وين فيها روضات جديده توقع كل روضاتهم مبانيها قديمه ولا هذي توها بانينها ؟؟؟