منتجات التعقيم والنظافه من تجربتي بالصور .حياااااكم

مساء الخير جميعا

حبيت اعرض لكم منتجات التنظيف والتعقيم الي استعملها ببيتي وشفت منه نتائج ممتازه ولا افكر اغيرها

صابون الغسيل بونكس فعلا راااااااائع واقتصادي شي بسيط منه يرررغي وينظف تنظيفه ممتاز وريحته نظاافه وثابته بالملابس

في منه اربع انواع

الاصلي-بالليمون-بفعالية التنعيم- بالفل

الي استخدمه بريحة الفل ريحته واااااااااااو حتى زوجي عاجبته ريحته بملابسه

وكومفروت جوهر يجنننننننننن ريحته ثاااابته بالملابس وتقعد مده وهي بالدولاب

احلى ريحه بالنسبه لي البنفسجي بالافندر والمنغوليابس مالقيت صورته

والوردي بالاوركيد والمسك بس افضل البنفسجي شييي خواتيي يستخفون على ريحة ملابسي

صابون الوزير للاطفال والمواليد والقطع البيضا

روووووووووووووووووووووووووووووووووعه

ريحتهثااااابته وفواحه وتنظيفه يخلي الملابس البيضا تلللللق ويرغي بشكل مو طبيعي خياال

وضروري يستخدم للاطفال لانه طبيعي وفيه زيت زيتون وماياثر على بشرتهم مايسبب حساسيه للجلد او للصدر يهبببل حتى للملابس الداخليه

وملابس الاطفال مايستخدم لها كومفرت نهاااائي الين يتعدى السنتين لانه يسبب حساسيه وبعض الاطفال من ولادتهم يكون معاهم صدر وربو فاحسن شي الوزير

والي حطيته القوالب بالنسبه لي اوفر وجايبه له مبشره عاديه مخصصته للصابون
لان في منه مبشور جاهز

شامبو اومينو بالمسك للعبايات والشمغ والاقمشه الناعمه والانجري والملابس الداخليه الحساسه والفخمه يجنننن ريحته ثابببته مره وينظف وفي منه لون وردي ريحته حلوه بس المسك عندي احلى

صابون فيري للمواعين بالبابونج ريحته حلللللللللللللللللللوه ويجي بعده الي بالليمون

واضيف له شوي كلوركس لمواعين الطبخ والغدا والقلي

جف منظف الفرن واستخدمه بعد للماكرويف والثلاجه روووعه

بخاخ ديتول لتنظيف المطبخ مره حلوووو بس لمن خلص احتفظت بعلبته وسويت لي منظف مثله ويأدي نفس الغرض

مكوناته فنجان كلوركس-فنجان مطهر الصنوبر من داك-شوي فيري وموووويه

ممتااااااااااااااااااااااااز لاي استخدام بالمطبخ

انظف فيه الثلاجه من برا والماكرويف وطاولة الاكل والكراسي والمجلي والرخام كلله وباب المطخ وعروته ومثلا بقعه بالارضيه وانا توني منظفه كلل شي انصحكم تسوونه مالي غنى عنه

مطهر داك بالصنوبر لارضية المطبخ ودورات المياه

وفي منه بريحة البخور روووعه استخدمه لارضية الشقه

هاربيك معطر للتواليت تجنننن البنفسجيه باللافندر روووعه وريحتها فواحه وثابته
والخضراء عندي جديده مابعد استخدمتها

بخاخ بليدج منظف للخشب ممتاز

بودرة معطره للسجاد والي استخدمها الاولىباللافندر ريحتها رووووعه

انثرها بشكل عشوائي واخليها عشردقايق وبعدين اكنس واكون فاتحه الشباك واذا خلصت من الكنس اسكر الشباك

اخر شي صابون سائل للايدين ومعقم انصح فيه الجميع وانا احب ريحة السماوي والاحمر
الاخضر مو حلو ويقطع الايدين

اتمنى موضوعي يعجبكم لاني اول مره اشارك بهالقسم

وان شاءالله انزل تجاربي بتعطير بيتي من فواحات ومرشات