منهج الانقلش اليديد آهئ :(

شوفي عذبة الروح،
وماشاءالله عليج شكلج فعلاً عذبة الروح =)
أي لغة سواء كانت انقليزي عربي بطيخي، يبيلها شنو؟ تدريب !
يعني تعتمدين على الحصة وبعدين تنسين الانقليزي خلاص ما ينفع !!
وترى بالعكس حق الجامعة وااااااااايد راح يفيدكم منهج الانقليزي تبع الكويت
لأن ماشاءالله غني بالفوكابلاريز ودسم اشوي عشان جذي تحسونه صعب
لكنه مو صعب أبدنننن بس يحتاج تدريب مثل ما قلت لج ..

تبين ما يأثر الانقليزي على معدلج سلباً وتبينه يرفعه؟
أول ما تردين البيت، تروحين وتقرين الدرس اللي أخذتوه اليوم ..

وتكونين محضرته من قبل وراح أعلمج الحين اشلون تحضرينه !
وتقعدين تدربين روحج على كلمات الدرس اللي أخذتوها، وتحفظين أسئلة الست بوك
وأهم شي أهم شي تكونين فااااهمة الدرس وملمة فيه يعني لو ياج السؤال بصيغة ثانية تعرفين تجاوبين

وبعدين بعد ما تخلصين درس اليوم تقومين وتحضرين درس باااااااجر ..تفتحين صفحة درس باجر وتقرينها
وتخلين يمج الدكشنري أو الوافي بعد بكل سهولة تكتبين الكلمة ويطلع الترجمة، أو ترجمة قوقل كله يودي
وأي كلمة تواجهج ما عرفتي معناها طلعيه، .. وآنا أفضل تنزلين الوافي على جهازج تدرين ليش؟
لأن ساعات يصعب علينا نطق الكلمة يعني ما نعرف اشلون نقولها، فـ الوافي يوفرلج هالشي يطلعلج الكلمة بالصوت !

وبجذي تكونين مريتي على كل درس مرتين على الأقللللللللللل، لأن مو معقولة تخلصون درس بيوم واحد بس
وبهالطريقة تكونين عودتي نفسج على الكلمات اليديدة وعلى القراية وعلى أسئلة الدرس ..
ولا تنسين تدرسين بعد القواعد والفنكشن، وبإذن الله راح تشوفين الانقليزي سهل سهل سهل

يمكن تقولين أولاااااااا أسوي كل هذا؟؟؟؟؟؟
بقولج ما عليه أول يومين ولا أول اسبوع بس بتحسين جذي بس بعدين يصير عندج عاااااااااادي
وترى ما ياخذ من وقتج وايد، يعني خصصيلج ساعة حق الانقليزي، يستاهل !
لأن يفيدج مو بس بالثنوي، بالجااامعة وحتى بحيااااتج العاااامة، وبعدين ما تبين تصيرين بلبل بالانقليزي ؟
ودامج تبين نسبة لازم شوووووووووووي تتعبين ما يصير كل شي بالساهل عدل؟ والله يوفقج شدي حيلج نبيج الأولى عالدفعة هاااا؟