منو اولدة بالسيف ضروري

اي عندي الاسعار ماشاء الله المكان يهبل وروعه اذا رحتي على طول راح يعجبج المكان.. انا حبيت المكان

انتي مع دكتورتج ولا بره؟

الاسعار مع دكاترت السيف( قيصرية):

standard class A: 1,200
class b: 1,040
vip: class A: 1,840
class b: 1,640
vvip class A: 2,640
class b: 2,2440
royal class A: 5,440
class b: 4,240

دكاترة من بره (قيصرية):
Standard class A: 965
class b: 785
vip class A: 1,585
class b: 1,385
vvip class A: 2,385
class b: 2,185
royal class A: 5,185
class b: 3,985

ما ولدت عندهم بس هاليومين ان شاء الله و لادتي و راح تكون عندهم ان شاء الله
و السنة الي فاتت اختي ولدت عندهم و ناوية اهي بعد السنة تكون عندهم
الدكاترة هناك ممتازين
انا اراجع عند الدكتورة روبينا تهبل و بالها طويل كافي كله مبتسمة و هادية
و جربتها بالفحص الاسبوع الي طاف ما عورتني ذاك الزود
الله يسهل ولادتي معاها
و اختي تراجع عند الدكتورة نادين وايد تمدحها من ناحية المراجعات و الخياط
صبرت على اختي و اهي تطلق 14 ساعة و لا ولدتها قيصري
و السسترات زينين
و مثل ما شفتي غرفهم شرحة و المكان مو لوية مثل المستشفيالت الثانية
و لو ان زباينه و مراجعينه قاعدين يزيدون من فترة لفترة بس هم مو زحمة

انصحج فيه و هذا عن تجربة

انا ولدت هناك شهر واحد عند دكتور جعفر وايد مريح ونفسه حلوه وصبور والمكان والخدمه تينن مباشرينج اول باول وابرة الظهر اتينن وايد ارتحت توكلي على الله والله يسهل عليكم

ان شاءالله انا بعد أولد فيه وانا الحين بشهري
ومثل ماقالوا البنات المستشفى نظيف وحلو والسسترات يهبلون

بس بصراحه من ناحية الغرف رايي يختلف عن البنات
صج الغرف حلوين حيييل والفيو اللي عالبحر موطبيعي بس موشرحين توقعتهم أوسع من جذي
عندج الغرف اللي يكونون فيو كامل عالبحر اهم أغلى شي الفيو موطبيعي بس يايين بالطول شوي ضيجين
واللي أرخص منهم كلاس بي عندي أحلى منهم لأنهم شوي أشرح الغرفه تيي مربعه تقريبا وفيها دواعيس

مادري هذا رايي يعني ان شاءالله بولد هناك بس توقعت الغرف أشرح من جذي
يمكن البنات اللي امدحوا الغرف وايد شافوهم بس بالنهار
ماشافوهم بليل لأن بليل البحر مايبين وتبين الغرفه ضيجه وموشرحه

انا ولدت فيه قبل سنه
ولدت عند روبينا المستشفى شرح ويهبببببل وماعليه كلام والغرف مريييييييحه حييل وهدووووووووء

وولدت عند روبينا تهبببببببببل دشت علي 3 مرات
وخياطها يهبببببببل

وخذيت غرفه ستاندر بي وكلفتني الولاده 1400

وانشاله ناويه اذا حملت والله كتب اولد عندهم بعد

وموفقين

1400 هذا سعر ولادة قيصرية صح؟