منو تعاملت مع إدارة المشروعات الصغيرة؟؟ أبي تجاربكم

نصيحة روحي لهم واستفسري عن كل اللي تبينه منهم ابرك.<<< لو تبين اعطيك عنوانهم.

اول شي يطالبون منك دراسة جدوى تسوينها برى او يسوونها لك بفلوس .

بعدين يحدد المبلغ اللي ممكن يمولونك به .
تختارين المكان وتكون الادوات اللازمة للمشروع محدده ويشترون لك حسب المواصفات اللي تبين

الراتب حسب الشغل اللي بتمسكينه يعني ميزانية المحل يدخل من ضمنها راتبك وراتب العمال.

كاش ما يعطون ، هم يدفعون الايجار للمحل والادوات والرواتب.

تدخلين السوق بشطارتك وبعد 6 اشهر يبتدون ياخذون الارباح المتفق عليها الظاهر لمدة 5 سنوات يشاركون بالربح لحد ما يستلمون فلوسهم بالفوايد كامله.

لو لاقدر الله المشروع لم ينجح يكون هناك رهن ياخذون حقهم منه وصارت مشاكل للي يرهن بيت العمر.<<< المعلومة هذي مو متاكده منها اشلون يسوون.

مشكووووووووره حبيبتي على الإفادة

انا اللي سمعته ان المشروع اذا ما نجح يسحبونه مني .. و أول مره أسمع بسالفة الرهن .. قالوا بس انهم يسحبونه و يديرونه اهم بمعرفتهم و انا أطلع منها!!!!!! و ممكن بعد ينجح المشروع معاهم مع انه ما نجح معاي!!

و الله احترت .. يعني اشرايج؟؟ اخذ قرض بروحي و أسوي دراسة جدوى للموضوع بره و أبدى؟؟ و لا أشوف ادارة المشروعات الصغيرة

لأن في ناس خرعوني منهم .. قالولي ياخذون افكار مشاريعكم و اهم ينفذونها لمصلحتهم !!!!!! مادري عن مدى صحة هالكلام

اب اب اب

دراسة جدوى اي دراسة للمشروع من جميع النواحي
التكاليف ، الأدوات اللازمة ، المحل باي منطقة مايصير تفتحين صالون بالصناعية لأنها رخيصة الايجارات فهمتي …
يعني اختيار المنطقة المناسبة للمشروع تكون واقعية ، عدد العمالة اللازمة للمشروع….

مالهم شغل بخبرتك لأنهم مو وزارة انتي اللي عارفة نفسك شاطرة وقادرة على التنفيذ او لا، بس وجود شهادات زين لك انتي.
بس تكونين كويتية – لايقل العمر عن 21 سنة.

مقرهم موجودين بسوق الصفاة اللي ورى البلوكات بلوك التراث الهندي
تدلين ميسور للدراريع تطلعين مع المصعد اللي قباله للدور الرابع الظاهر مكتوب على المصعد وتقابلينهم وتستفسرين عن اي شي.

بعد عمري كويتيات ماتقصرون علي المعلومات القيمه

وجزاكم الف خير يارب