تخطى إلى المحتوى
الرئيسية » منو تعرف احد نفس هالحاله؟

منو تعرف احد نفس هالحاله؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلااااام عليكم

شنو يعني الرجال حيواناته المنوية صفر ؟ولد خالتي صارله9سنين متزوج وسوا عملية ..اول كانو يقولون شوية الحيوانات اللحين يقولون صفر,,اللحين قاعد يتعالج بالاعشاب هو ومرته الله يرزقهم ؟؟؟؟منو تعرف عن هالحاله ومنو دكاترة زينين بالكويت يقدرون يعالجونه ؟اتوقع حيواناته المنويه صفر يعني عقيم لاسمح الله ..والله كاسر خاطري يقول حق امه لو يجيني واحد معوق اهم شي عندي ضنى اشوفة

الوسوم:

14 أفكار بشأن “منو تعرف احد نفس هالحاله؟”

  1. hanan
    الرد
    والله مادري حبيبتي مالي خيرة بهالمجال كلللللش
    بس عور قلبي بكلمته

    عسى الله يفرج عنهم ويرزقهم الذرية الصالحة ان شالله ويرزق كل محروم يارب
    و اهم شي يخلي امله بالله كبير ترا رحمة ربج واسعة و اذا فقد الامل معنآته فقد كل شي

  3. amira
    الرد
    الله يرزقه ان شاء الله بس خليه يداوم على الرقيه ويسوي حجامه وياكل عسل يقوي الاخصاب عنده وقبل كل هذا يفحص يشوف شنو السبب

    وعسى الله يرزقه بالذريه الصالحة السليمه الكامله في خلقها بدون زيادة او نقصان

  8. brinhu
    الرد
    مادري والله الله يرزقه حبيبتي بس شوفي جنه بامريكا في دكتور شاطر حق هالسوالف اسمه بيتر شنايغل او شغله جذي … خل يقدم علاج بالخارج ويشوف علاج لحالته والله كريييييييييييييم

  10. chichaki
    الرد

    الي صفر و الي طبيعي اذا ربج اراد ان يرزقه بيرزقه

    حالات الصفر يسون لهم طريقه إما عن طريق أخذ خزعه من الخصيه أو عن طريق عملية شق الخصيه و يطلعون الحيوانات المنويه من الداخل و يلقحونهم بالحقن المجهري و في وايد ناس حملت على هالطريقه

    و في ناس سبحان الله حتى لما يشقون ما يلقون في شي بس انا سمعت ان في امريكا يسوون زراعة خلايا لهالحالات

    و في اخت عندنا بالمنتدى ماشاء الله زوجها سوى حجامة الركب و اخذ اعشاب و احملت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.