منو تعرف شي عن الدكتور خالد السبتي ؟؟!

هم انا اختي داايم تعالج عندهردكتوور روووعه

واسلوبه راقي بالتعامل

انا مره رحت له بعيادته اخر شهر خمسه الي طاف بصراحه خوش دكتور جنتل وعنده اجهزه وايد متطوره توب نفس ملوت برا انا خبره بدكاترة العيون واجهزة العيون من كان عمري سنتين سويت عمليات وفحوصات بوايد اماكن ( امريكا – روسيا – ألمانيا – مصر ) وطبعا الكويت

بس بصراحه ماسوالي شي غير الفحص وخذيت منه استشاره انا كنت بسوي عمليه جان يقولي انه لازم انطر شهر واسبوعين على ما ايي دكتور لبناني من امريكا يسويلي ياها (لأن متخصص بالشي الي كنت ابيه يسمونها عمليه تجميليه) واهوا يشرف عليه بس انا ما انطر رحت لدكتور مبارك العجمي والحمدلله سوالي ياها عقب اسبوع

بس انا اشوف ان دكتور مبارك العجمي ماشاء الله عليه احسن منه لأن انا عيوني لويه واعاني من وايد اشياء ولما رحت له قبل ما اتحجا واوريه اوراق عملياتي ملوت برا وجذي وقبل ما يفحصني وقبل ما اتحجا واقوله شفيني ماشاء الله عليه قالي انتي فيج جذي وجذي ومن الولاده فيج جذي والله حتى البابا كان معاي انصدم ماشاء الله عليه وايد وايد وايد فاهم وحتى ويهه سمح وبصراحه انا وايد اوسوس واخاف وايد وجذي لكن اهوا كان حيل يمتص الي فيني حتى عقب العمليه كنت كل اسبوع اروح له يننته لوول حتى مره قالي يبا روحي ولا تيين الا عقب عيد الفطر بس الماما مارضت اروح تقولي فشله لوعتي جبد الريال لوول

وغير ان دكتور مبارك العجمي فاهم ماشاء الله عليه العمليه الي سويتها عنده كلفتني 500 دينار ودكتور السبتي قالي بتكلف 1100 الفرق دبل

سو اذا تبين نصيحتي روحي لدكتور السبتي وبعدين روحي لدكتور مبارك العجمي واستخيري وشوفي الي يريحج

امبيه احس اني قلت لج قصة حياتي لوول

واذا تبين اي شي سألي