منو تفيدني بمنتجع حلو بالخليج

هلا حبيبتي اذا تبين بالبحرين عندج منتجع البندر
الغرف علي طريقة اكواخ علي البحر
شكله حلو ويهبل انا والله رحت له اكثر من مره
وبصراحه حيل هدووء واسترخاء علي كيف كيفج
والسيرفس مال الغرف عندهم اوكي ماعليه كلام وهمن مطعمهم سواء ريوق او غداء او عشاء يهبل والله
يعني تطلبين اللي تبينه لحد الكوخ مالج يوصلج وكافي المنظر الحلو اللي تقعدين تستانسين فيه
والا حجزتي الكيبينه ( يعني الكوخ) قولي لهم نبي الكيبينه اللي بالنص يعني لاهي علي البحر ولا هالشاطئ

لان اللي بالنص موقعها يكون مكانها رهييييب وحلوو
ودشي علي قوقل بتلقين صور حق المنتجع انشالله يعجبج بس تري لازم ادقين وتحجزين قبل ماتتعنين علشان ماتتوهقون
انا والله زوجي يدق ويحجز بالتلفون بالتاريخ اللي نبي علشان بس نوصل نستلم الكيبينه
ويارب اكون فدتج لانه والله والله مكان حييل نستمتع ونستانس فيه انا وزوجي ونشالله همن انتي تستانسين فيه
وعليج بالف الف عافيه مقدما
وهذا رقمهم اللي ندق عليه دايم 0097317701201
واسمحيلي عزيزتي طولت عليج
بالتوفيق

ابببببببببببببببببببب

اتلانتس بجزيرة النخلة بدبي وايد حلو وانصحج فيه انا رحت لها قبل شهر تقريبا كان وناسة في بحر وحمامات سباحة واكوا بارك وتمشي وما جنج بدولة عربية جنج برا بس ما ينفع بالويك اند يصير زحمة بس حلو وتقدرين تطلعين منه وتروحين الجميرا بيتش تتمشين

عاد شاليهات الرتز بالبحرين عجيبه وكانج بجزر البهامز بامريكا شوفي سايتهم واخذي فكره

ماقصرتو حبايبي

حمدلله علي السلامهرف

ماعليج امر
بجم حجزتوا

انشالله البنات يفيدونج