بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
اشلونكم بنات بغيت اسألكم اذا امجربين الطيران التايلندى ولا لاء لانى حدى احاتى مادرى اشلون عاد انا خوافه واشلون خدمتهم والاكل اللي امجربه تتفضل بالرد واكون داعيتلها وشكرا
اشلونكم بنات بغيت اسألكم اذا امجربين الطيران التايلندى ولا لاء لانى حدى احاتى مادرى اشلون عاد انا خوافه واشلون خدمتهم والاكل اللي امجربه تتفضل بالرد واكون داعيتلها وشكرا
انا جربته بس داخل تايلند يعني ما كانت الرحله دوليه كانت داخليه… لأني كنت مسافره بانكوك> بوكيت > بانكوك
الطيران عادي ما شفت فيه عيوب..
لكن انصحك تاخذين معك وجبات خفيفه اذا بتطولين بالطياره..
لان الوجبه اللي قدموها كانت شوي غريبه علينا احنا الخليجيين..
لانه كان ربيان مسلووووق بوسط ملفوف مسلوق بعد.. واحنا نحب المبهر والمحبحر ^_^ والمقلي بعد..
انا ما كلت الا خبزه اذكر كانو حاطينها مع الاكل..
آسفه على تاخير المعلومه ولكن احب أن أضيف شيئا
أنا لي تجربه على الخطوط التايلنديه جدا روعه ورحبه ومعاملة راقيه من الستاف مومثل غيرهم الله المستعان
وحجزت على جي كلاس وايد مريحه وتقدرين تنامين 8ساعات بدون تعب واكلهم وايد حلو طبعا السي فود والسلطه وكل شوي يوزعون ماكولات خفيفه ومشروبات الفيديو ماشفت شي خادش؟؟ في الروحه والرجعه؟؟
والنظافه عال العال والريحه طيبه على طول يبخون روايح وفي خدمة المساج للارجل
بس اللي يضيق الخلق المشروبات المحرمه وهذا اللي يميز الكويتيه عنها الله يديمها على المسلمين
وتقدرين تطلبين وجبه حلال على الطياره بس السي فود لا يطوفكم
طبعا الحين التايلندي مغلق الى شهر اكتوبر يعني هالصيف مافي تايلندي.
ماكو الا تغيرون وتجربون طيران راقي ورخيص
وان شاء الله يرخصون الكويتيه ويسنعون خدمتها وخصوصا المضيفين اللي غير مهيئين لشي غير التكشيره والقرقه مع بعض
وايضا مواعيد الغير متزنه.
وآسفه لكن معلومه وابيها تاخذ حقها
وهم اخوي
ماعليها كلام
المهم وسيله نقل توصلج بامن و امان
تروحين وتردين بالسلامه