بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
بنات منو حملت بعد التنظيفات بدون لا تاخذ علاج
لأني صارلي 3 شهور من بعد التنظيفات وما حملت للحين
آنا حملت بعد الزواج ب 4 شهور تقريبا ومات البيبي في الاسبوع التاسع وسويت تنظيفات
بعدها بشهر نزلت الدورة وبعدين خذيت حبوب (فيرتاب) لتسريع الحمل وشفت البويضة وكل شيء اوكي بس ما كتب الله
لأني سويت تحليل اللي قبل الدورة الهرموني وطلع مافي
ما ادري انطر 3 شهور ما اروح ولا طبيب
والا اراجع وآنا افكر شنو راح تفيدني المراجعات اذا انا وزوجي سليمين بس الله ماكتب
قولولي ونصحوني احس ضايعة
السلام عليكم ورحمة الله وبركاته
بنات منو حملت بعد التنظيفات بدون لا تاخذ علاج
لأني صارلي 3 شهور من بعد التنظيفات وما حملت للحين
آنا حملت بعد الزواج ب 4 شهور تقريبا ومات البيبي في الاسبوع التاسع وسويت تنظيفات
بعدها بشهر نزلت الدورة وبعدين خذيت حبوب (فيرتاب) لتسريع الحمل وشفت البويضة وكل شيء اوكي بس ما كتب الله
لأني سويت تحليل اللي قبل الدورة الهرموني وطلع مافي
ما ادري انطر 3 شهور ما اروح ولا طبيب
والا اراجع وآنا افكر شنو راح تفيدني المراجعات اذا انا وزوجي سليمين بس الله ماكتب
قولولي ونصحوني احس ضايعة
يارب ابشركم هني اني حامل يارب
ليش تاخذين حبوب وخرابيط مدام حملتي طبيعي ومافيج شي لا انتي ولا ريلج ماله داعي علاج
تري ان خذيتي علاج جسمج يتعود عليهم
انسي وتحملين
وضروري تحليلين الاجسام المضاده مدام مات البيبي اب بطنج
بس خذوا عينة من البيبي وقالوا مافي سبب للوفاة يعني هذا التحليل اهو اللي تقصدينه
اما الحبوب فالدكتور قالي اخذيهم لتسريع الحمل ما منهم ضرر يعني اللحين خلاص راح احتاجهم على طول والا بس هالمرة اللي طافت ومايضر
( في بحرهم عذبوني ) يعني خذيتي حبوب مانع وبعدين وقفتي ومتى وقفتيهم وصار حمل؟
طمنيني ادري اسئلتي وايد بسيطة بس صج انا اجهل هالامور
وطلع فيني اجسام مضاده
يعني ماله شغل العينه مالها علاقه
مايبين هالمرض الا بالدم
سوي هالتحليل يطلع بعد اسبوعين سواء تسوينه بخاص او حكومه
احتياط سويه وان شالله مافيج الا العافيه
صج انا بعد التنظيفات خذيت ابرة لأن دمي سالب وزوجي موجب
تقدرين تسوي هالتحليل اي وقت عادي
والابره الي خذيتها اوكي تمام بس همن سوي تحليل الاجسام المضاده
موفقه يارب
انشالله البنات يفيدونج
الله كريم يرزقنا كلنا
انا اجهضت بس ماسويت تنظيفات لان الجنين كان نتفه صغير وقالولي مايحتاج
وجتني الدورة مره عقب العوار يعني بدون تنظفات وبتنظيفات نفس الشي وشالفرق ؟؟
اللي تعرف لاتبخل جزاها اللي خير