من بوح قلمي / وهذه من أول القصائد التي كتبتها :، أرجو أن تنـآل ع إعجابكم

الاداره : انثى لايكررها القدر

يانوم وش فيك لك مده مجافيني.
إرجع لعيني تراها ترجي وصالك.

إرجع دقيقه أبي أرتاح كافيني .
درب المتاعب يخلي صاحبه هالك.

سلمتني للسهر والمنظر الشيني.
مابه أمل تستريح ومابه أشوا لك.

وسلمتني للعذاب اللي لعب فيني
ترقى تبي فرحتك والحزن يرقى لك

وسلمتني للقهر ودموع تكويني.
وذكرى سنين (ن) مضت لي والفرح سالك.

وذكرى حبيب(ن) ثلاث شهور جافيني.
لابه سلام(ن) ولابه وشهي احوالك.

وش غيرك من بعد ماكنت هاويني.
وشهو سبب صدتك وش دار في بالك.

إن كان في خاطرك تمسح عناويني.
وتشيل من دفترك من حب واوفى لك.

فـ:انا عناوين حبك نكهة سنيني.
إرحل بدرب الغدر فالي ماهو فالك.

وان كان قصدك يهل الدمع من عيني.
بـ:اناجي الدمع وبيكتب وانا أقرا لك

لي عزة(ن) عن كنوز الأرض تغنيني.
ولي هامة(ن) شامخه ماهيب تحنى لك

هذا كلام الدموع , وكل مافيني.
يقول لك منزلي ماهو بمنزالك.

بأسكب بقايا غرامك من شراييني.
والله يسامح غلاك ويجبر بحالك.

وياعين راح السهر والنوم يدعيني.
يقول بـ: ابقى معاك ودايم قبالك