من جد محتاجك قطع قلبي الشوق

وينك ترى قلبي تقطع من الشوق
وينك تعبت من السهر والكأبه

ماني مصدق كل مطرود ملحوق
من يوم طال الأنتظار وعذابه

أشتاق لك شوق(ن) على الواقع يفوق
شوق الغريب الي فقد له قرابه

ويحن لك قلبي من الشوق ويتوق
يعصى لو ترده شروط الرقابه

شوقي يغنيلي على كل طاروق
وحزني يسامرني لحون الربابه

أسهر على اطيافك على منتهى الذوق
وأعيش حلم (ن) تكتسيه الغرابه

حريتي ضاعة وقيدة بسبوق
كل الدروب امسة بعيني تشابه

حب . وفرح . وأحزان . وجروح . وحروق
ودمع (ن) يكدر صفوتي بنسكابه

عليك احس اني بلا راي مسيوق
أثر الغلا يكسر جسور الصلابه

يثور بك حزني وينزاح ويروق
ويرجع عذابي لين يوفي نصابه

ليل الشقى عتم به رعود وبروق
وعواصف (ن)تحجب بياض السحابه

وريح(ن) يخلي قاسي القلب مفتوق
حتى تضيع من السؤال الأجابه

سرقتني والحب سارق ومسروق
وآسرتني لو مابراسي طلاب

من جد محتاجك قطع قلبي الشوق
تعاآآآآآل مليت السهر والكأآآآآآبه