من روائع القصص+++( من حياة زوجية محطمة .إلى حياة زوجية رائعه)+++

كنت اتمنى فيها دمعه تنزل وارتاح او اي شئ يكسر هالصمت مادري الدنيا هذيك الساعه وين اختفت والعالم راحوا وجلست بهــــــــــــــــــــــــــــ ـدوء ولاول مره من بعد زواجـي الي صار له خمس سنين

رحت في أعماق ذاتي .. اقلب ذكريات زواجي ..ما اتصلت بأحد ولا اشتكيت لأحد

التفت على نفسي … وبيتي … وبس .. ورحت في عالم الأفكار

طالعت ببيتي قصــر

غرفتــي غرفة ملكه

اغراضي من الغالي لبس ماكياج عطور شنط كل شئ ماركه وكل ماركات الدنيا عندي

كل شئ عندي كل شئ متوفر كل شئ املكـــه الا "امــير القصـــر " وينه فيه؟؟؟

انا مضيعته من ايديني لأني كنت خانقته بنظرتي السوداء له …عيشته بظــلام دامس من المشاكل مو غريب أن يقرريعيش حياته بعيد عن الدمار النفسي والحزن وضيقة الخلق …

بعــــد فتره طويله من البحث عن الحلول المتواصله لقيت ضالتــــي لقيت الحل

وهو اني اشغل نفسي بشئ غير زوجي وهالشئ لازم واكيد ولا بد اقتنع فيه

لازم انشغل بذاتي

اي السعاده الحقيقية تنبع من الذات

مو من الآخرين

انا كنت اركض ورااااه بحقق السعاده

لكني ما استفدت اي شي …

وقررت اني اتركــــه حر …….ياكل كيف مايبي وينام متى مايبي ويشوف الي يشوفـــه المهم اخليه حــــر ولحاله ومتى مايبغاني يناديني وبجيـــــه
وقررت اني اعيش نفسي سنها الحقيقي ( 25سنه )اطلع وادخل واخرج وافرح وارقص واتكلم ولا انســـى ذكر الله

وبدأت رحلــــة الالف ميل بخطوة واحده

ثم خطوااات و خطوااات حتى وجدت السعاده الحقيقية

وخلال ست شهــــور صار زوجي من واحد يكرهني ويتضايق مني لواحـــد يتبعني من مكان لمكان ويحـــبني والحلو اني صرت اموت فيه وصار يهتم وانا اهتم فيه …( وعرفنا لذة الحب الحقيقي)

=======================

المهم بعد ماقرر يتـــزوج ويترك قصري الوردي اللون الاســود بكل انواع معاني النكد والبؤوس قررت انا ارجـــع لنفسي واشــوف الخلل اللي صاير واللي كنت حاســه به (بس غبائي وعزة النفس الي فيني وسوء النية) كانت مانعتني احل او اربط في مشاكلي والمشكله كنت كل يوم ازيـــد بالعناد .. واضيق على زوجي اكثررر وما كنت حاسه اني بتصرفاتي خليته يبعد عني …….. كثيــــــــــــــــــــــــــــــــــــر

كنت مفكره سالفة زواجــه مجرد تهديد لــي الين جاتني اخته وقالت لي "شفاه اخــوي قال لي اخطب له وكلم امــي وامي قالت مابي زوجتك تدعي علي بسببك شوف غيري وكلمني اليوم اشوف اخت زوجي "

اخت زوجها عمرها هــذيك الايام 32 سنه ومش متزوجـــه الفرق بيني وبينها سبع سنين طبيعا انا الاصغر لكن هو كان يبي وحده عاقل وتقدر الزوج وسالفة انه يتزوج صغيره مايبي يعيد نفس مشكلته معي

قالت لي : انا ماحبيت امشي بكلامه وحبيت اخبرك قبل لاتقولين سوت شئ وخربت بيتي

ابتسمت لها وقلت : هو خربان من قبل يابنت الاجواد اخطبي لاخــوك والي الله يريده بيصير

جلست يومي مثل الي خلاص تدور اي خيط وتبي تمسك به

وعلى خطوبته ست شهور ونص

مرت الايام بحلوها ومرها

صار يرجع للبيت مبكر وصار اليوم الي لازم يتعشى فيه معها يتاخر عندي الين تسع ونص ويرجع للبيت 11 بالضبط

وفي يوم كنت رايحه للعياده علشان اسوي اشعه سالت الدكتوره الي اراجع عندها شو ببطني ؟؟

قالت شو تبين قالت اي شئ بنت ولد اي شئ

قالت اي شئ حتى لو ارنب هههههههه ضحكتني قالت ولد وماشاء الله صحته زينه وصحتك زينه مو مثل كل مره قلت الحمد لله .

رجعت للبيت قبل زوجي بساعه وسبحان الله اتصلت فيني اخته قبل لايدخل البيت بدقائق

وقالت لي الخبر اللي حرق قلبي …واول مادخل سمعني وانا اصرخ واقول لااااا لاتقولين انه بيتزوج

وطحت حاول يقومني مافيه فايده وداني للمستشفى بسرعه

وسبحان الله ارتفع السكر والضغط بلحظه ورحت بغيبوبة

قالت الدكتوره بنسوي عمليه لها نطلع الطفل ماعندنا الا هالحل

وصارت المشكله الثانيه الضغط مرتفع والبنج بيكون خطر علي وماعرفوا شو يسوون فيني

حتى هو احتار شو يسوي

ويقول هو طلعت مادري وين اروح اتصلت لامك لابوك لامي لابوي للكل مادري شو اسوي والكل وصل وانا مثل المجنون

قال له اخوه اذكر ربك بتفرج قال من قال بتفرج ؟؟

يقول ورحت ادور الفرج …رحت اركض للمسجد وصليت ركعتين ودعيت ياااارب مابي طفل ولا ابي زوجه ثانيه ولا ابي شئ بس خليها لي

لما رجع للمستشفى حصلني مفتحه عيوني والضغط نزل شويه

قالت الدكتوره الحين ممكن نسوي العمليه بس بنتريا شويه احسن يمكن تهدأ

جاني زوجي قالي شفاه "الله يخليك الله يخليك الله يخليك ساعدي نفسك انا ماابي اخسرك"

قال هذي الكلمه ورحت بنومه عميــــــقه وما حسيت بنفسي ولا العالم من حولي

قمت الصبح وانا بخير نازل السكر والضغط يرتفع وينزل بس صرت احسن من قبل

جاتني اخته وهي زعلانه واعتذرت لي عن الي صار قلت لها ماصار شئ هذي نهاية كل خطبه زواج وكان المفروض اكون اقوى من جذيه وانا مقدره وضعج انتي مالج ذنب…

المهم اهل العروس محددين يوم للزواج وانه يكون بعد اسبوعين

وزوجي قال خليها الين تولد الحرمه عصبوا عليه وصارت بينهم مشاكل هم يبونه بعد اسبوعين وهو مصر بعد ولادتي .

المهم كبرت المشكله بينهم وصار مايرد على الجوال نهائيا

وقال لهم كلمه وحده تبون عرس بعد ماتولد زوجتي ماتبون شئ راجع لكم

المهم مر على هالكلام ثلاث شهور كنت على وشك دخولي التاسع وكنت تعبانه وايد بسبب عدم استقرار السكر وكل يوم تخطيط ولوعة كبد

ولا اعرف شنو بيصير

بقيت اراسل الأخت شفاه الكلام صاحبة القصه

و انقطعت عني اتصالاتها ومراسالتها من مده طويله

كل ما اعرفه انها ولدت بالسلامه وحامل …

وقبل ايام جاءتني رساله من أختها تقول فيها :

إن اختها ( بطلة القصة ) توفت من سنه ونصف

حزنت عليها كثيراا .. وطال تفكيري .. و تأثرت ..

ثم نفضت عني مشاعر الألم والحزن وقررت انفعها في قبرها

عن طريق نشر قصتها المؤثرة لعلها تكون عبره لمن اعتبر ..

وسأدون لكن فوائد القصه … أولا حسب ما استنبطته وشعرت به الأخت ( شفاه الكلام ) بطلت القصه ..

اخواتي الحين جا دور النتيجه والدروس والعبر الي استفدت منها من خلال تجربتي

واتمنى كل وحده تشغل مخها زين معي وتركز بكلامي زين ووالله لو انه كل وحده نفذته بحذافيره

راح ترتاح هي ويسعد زوجها بقربها

**تذكري انك انسانه لها مثل الي عليها يعني لك حقوق وعليك حقوق لاتكوني ممكن يطالبون بحقوقهم وينسون الاخرين وهنيه مااقصد الزوج بس اقصد كل من هو يعرفك كوني عادله مع ذاتك والآخرين .

تذكري مثل ماتبين تعيشين ملكه بعواطفها وشخصيتها وجمالها وبقصرها وروعتها زوجك بعد يبي نفس الاسلوب كيف بيعطيك شئ انتي ماتقدمينه له وحتى لو قدمتيه له بيكون من باب اثبات الوجود او من باب تأدية الواجب ( وليس حبا فيه او رغبة بالأجر ؟؟)

**تذكري انه كل عمل تسوينه لاجل ارضاء الناس بيكون نهايته الفشل تدرين ليش ؟؟

لانه ارضاء الناس غاية لاتدرك …اشوف وايد بنات يشتكون ازواجنا مايطالعون فينا لو تعدلنا لو رتنبا لو طبخنا بعكس لو شاف وحده بالشارع

" اول شئ كل شئ جميل بيبهر الوحده فما بال الرجل لو شاف وحده تفتنه اكيد بيطالع( هذي طبيعة الرجل )

مو لانه بيطالع لا لكن لانه الرجل عنده كبر في الغده البصريه تخليه يلتفت لاي شئ يشوفه بشكل اسرع مو مثل الحرمه "

حطوا هالنقطه ببالكم وانتبهوا وتاكدوا انه زوجك مايطالع لانه يبي يشوف

لا هذا شئ مخلوق فيه والي زوجها ملتزم ولا مش ملتزوم تشتكي نفس النقطه يعني الاخلاق والنيه مالها شغل بالموضوع

***ليش يفشل كل شئ تسويه لارضاء الناس؟؟

لانه النيه ارضاء الناس وليس لله

مثلا الزوج طيب نفرض الزوج هذاك اليوم وصل تعبان وماركز على شكلك زعلتي انتي

وقلتي مايحبني لو شاف غيري بيطالع ولو لو ولو اقولك لا تحكمين عليه بسوء الظن

صدقيني يحبك ويموت فيك بس انتي ماحطيتي ماكياج لانك تبين تتمكيجين ولا لبستي لانك تبين تلبسين

انتي سويتي هالشئ ارضاء له ولكن ماانتبه لك اليوم والسبب تعبان ( ما عبر عن مشاعره وبس )

بس مو مجبر على الرايح والجاييعبر عن مشاعره ويتغزل بجمالك ؟؟!

يعني خلي كل شئ تسوينه بحياتك من اصغر عمل لاكبر عمل للــــــــــه وحده

ثم الهدف منه اسعاد نفسك نفرض عندك حديقه وتبين ترتبينها والسبب انك تبين الناس يشوفونها حلوه ماراح تكملين المشوار

لكن لو انتي قلتي برتبها علشان افرح بنتيجة عملي بتكون حديقتك جنه وكل ماعملتي شئ بتفرحين

اكثر واكثر وفي الاخير لما الناس بيشونها بيجبرون يتوقفون عند ابداعك ويقولون لك ابدعتي

اجعلي كل عمل تقومين به السبب( بعد اخلاص النية لله ) ادخل البهجه لنفسي اولا واخير مو للناس واكيد من حولك بيسعدون لانك سعيده .
احط ماكياج علشان اكون قمر …مو لانه ابي زوجي يشوفني قمر ويعبر عن هالشي بلسانه

اهتم بجسمي علشان اكون بصحه جيده مو لانه ابي زوجي والناس تنبهر برشاقتي

اتعلم فنون الطبخ علشان اثبت وجودي ببيتي وأدي واجبي مو علشان اتحدى بنت الجيران لانها تطبخ زين

البس قميص نوم مو علشان زوجي يشوفني حلوه ومغريه ويتقرب مني

البسه لاني ابي انعم بنوم هادئ بهدوء ونعومة القميص الي لابسته واشعر بأنوثتي

اسوي حفله ومفاجأه لزوجي مو لاني ابي افرحه وانكد على نفسي بانتظار كلمه حلوة او رد

اسويها لاني ابي اغير الجو وارتاح اليوم من روتين يومي .كلامي واضح

خلصنا الي لك الحين الي عليك .

**الزوج وماادرك مالزوج …

مايحس بقيمة هالمخلوق الا الي ربي حرمها منه اما بعد الزواج والله يرزق كل وحده ماتزوجت بزوج صالح

او اما بزواجه بثانيه وانشغاله عنها او بالموت الله يطول بعمر ازواجنا كلنا ويحسن اعمالهم ويختمها بخير يارب

هنيه اتكلم عن تقصيري انا بس ومالي شغل بالغير .

الصراحه والحق ينقال البيت مو ناقصه شئ ولا انا ناقصني شئ وهو كان يشتغل الصبح بدائره حكوميه وبالمساء باعمال الحره

انا الصراحه انصدمت من هالجو لما تزوجته بالبدايه لكن قلت يلا مشي حالك جذيه تكون الحياه الزوجيه

الزوج ينشغل والزوجه تطلع وتدخل ومن هالكلام وبالليل ينامون استمر الوضع والصراحه مليت من هالمنوال

مافيه جديد بحياتي قلت لا لازم اغير غيرت وبدال لااصلحها عميتها

كنت مثلا اسوي له شئ لازم يشوفه ولا ليلته بتكون دمار كان في البدايه يجامل على حساب وقته وهو متضايق

بعدين طنش اخر شئ زعل وبعدها هدد وبعدها التزم السكوت وانا انا على نفس المنوال

اما تعطيني من وقتك غصب واما والله مااخليك ترتاح

وبدأ النكد يدخل من كل مكان بيتي الحلو صار دمار شاسع الين واخر شئ قال بتزوج

ووالله انه لو صار واكتمل الموضوع لكنت بالقبر من كثرة القهر بس ربي سترها وجات على جذيه .

***ابي اقولك ولنفسي قبل اعطيه حريته هو انسان حر مثلك تماما

خليه ياكل كيف مايبي يلبس كيف مايبي ينام كيف مايبي لا تتدخلين ولا تنصحين ولا تتحكمين

انتي ماعليك الا توفرين له الجو المناسب واتركيه وهو من يرتاح بيجي يدورك وبيخصص لك وقت يجلس فيه معك

خلي البيت جنه مو لانك تبين منه شي لا خليها جنه لانك خلاص تبين تستقرين ترتاحين تعيشين الحب مع حبيبك

وصدقوني شويه شويه بيرجع لعشكم الذهبي وهو مشتاق لوجهك مشتاق لشوفة عيونك مشتاق لاي شئ تسوينه له

حاطه الدنيا بكفه وهو بكفه وياويله لو ماطالع فيني

وهذا هو الغلط شوفي قبل الزواج شو كانت هواياتك وارجعي لها

خصصي لها وقت وبتحصلين الوقت المناسب حتى لو كنتي ام لعشره

والدليل اختي الكبيره ام لست اطفال لكن وقتها مرتب , لكل شئ وقته بحياتها تبدا دورة الحياه ببيتها من 5.30 وتنتهي 8.30 وعندها ساعتين الين يوصل زوجها للبيت تقول هالوقت يكون لي اسعد فيه نفسي اخذ ملح واسترخي بالحمام لمدة نص ساعه البس اتمكيج واتعطر اتبخر ويكون كل شئ جاهز لزوجي لما يرجع والين يرجع اما اقراء او اجلس على الكمبيوتر او ادور اي شئ يريحني المهم هذا الوقت يكون جائزتي لي انا وماشاء الله عليها سعيده بحياتها ومرتاحه .

يعني لو تبين تخصصين لنفسك راحه حتى لو دقائق بتحصلينها بس قولي هذي لي انا مو لغيري لاسعادي انا وبس وبتحسين بجمال وروعة هالدقائق

**ماراح اقولكم سووا حفلات ولا مناسبات ولا مفاجات المنتدى ماشاء الله شئ مو طبيعي من الافكار

شوفي الي يناسبك ويريحك ورتبي امورك عليه هذي من ناحية المفاجات

لكن انصحك باختيار الوقت المناسب علشان ماتنقلب فرحتك لمشكله

وياليت الي ضروفها تعبانه وماتسمح تسوي مناسب قويه توفر لها قبل بشهرين ثلاثه ( وتحسن تدبير أمورها )

ولاتنسون الاولويات بالبيت لازم تنتهي قبل لاتنهي حياتك الزوجيه

علشان كيكه او هديه تخسرين فيها مبلغ كان البيت اولى بفيها

حاولي لو حبيتي تاخذين شئ عاجبك توفرين له ولا ترهقين الزوج بكثرة الطلبات ترا بيشرد منك

كانت هذه قصة انسانه مرت على وجه الكرة الأرضيه .. مكثت فيها ماشاء الله لها ان تمكث

وعاشت ما شاء الله لها ان تعيش .. ثم انتقلت الى حياة اخرى … توفيت بأمر الله ورحمته

وهي في ريعان شبابها قبل أن تدخل الثلاثينيات .. دخلت الى قبرها .. أسأل الله العظيم رب العرش العظيم

أن يجعل قبرها جنه .. ويملأه بالروح والريح .. ويغفر لها كل ذنب ..

أريد من كل واحده منكن ان تقرأالقصه جيدااا وتفكر .. ماذا نفع هذه المرأة في قبرها ؟؟