من كان يومه مثل امسه فقد عق يومه وظلم امسههلموا لحياةاحلى مع بنت المطيري

هكذا يقال…

بسم الله الرحمن الرحيم
والسلام عليكم جميعا …

حيل عجبتني هالحكمة اللي بالعنوان
وياليت نطبقها

انا عندي فكرة او مشروع جميل وحيل متحمسة له اتمنى تشدون الهمة معاي وابي وقفتكم مثل ماشفت بمواضيعي قبل لا عدمتكم

قال تعالى (أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لا تُرْجَعُونَ)[المؤمنون:115]
سبحانه وتعالى امرنا ان نعمر هالارض ونزرع الخير فيها ونعمرها ونعبده ونطيعه
ماتمر عليكم اوقات تحسون انك تعثون بالارض فسادا !!

لازم نخطط ان نسوي خير فدنيتنا..وان ماتمر ايامنا هباء منثورا ..لازم نثبت ان احنا نوجدنا بهالدنيا لهدف ان مننا فايده ولازم نترك بصمة بهالدنيا وذلك لان لازم نعيش حياتنا في سبيل الله
وعشان نسوي كل هذا لازم كل وحده تسوي خطه بينها وبين ربها وتسئله ان يعينها عليها ..وتجتهد بجد في تنفيذها
ادري يمكن البعض مافهم عشان جذي بذكر امثلة بعد شوي ومرقمتهم لكم………

بما ان احنا الحين وصلنا الى نص السنة خنلحق على مابقى منها
ونحط خطه حلوة ننفذها مننييييييييي لاخر السنة
انا عندي افكار وايد وحلوة
واللي عندها تضيف وخل نستمر بالموضوع ونشوف مني لاخر السنة شنو سوينا …شرايكم ؟؟؟

عالاقل الى نهاية شهر 6 ……بس لاتزحمين راسج بالافكار لأ حبة حبة شي شي عشان تعطينه حقه وتركزين عليه "ان الله يحب ان عمل المرء عملا ان يتقنه "

انا عندي افكار…

1-اذا عندج ولد حطي خطه حلوة انج تحفضينه جزء من القرآن مني الى نهاية السنة تشتغلين فيه يعني وتتابعينه بنفسج

2-اذا عندج ولد فالت او بنت انتي بعيده عنها اشتغلي عليها وخلي مشروعج انج تقريبنهم منج وتعدلين تصرفاتهم وتبحثين
باحسن الطرق لمعالجة سلوكهم قبل فوات الاوان

3-عندج فكرة فبالج لمشروع معين سواء كان ديني ترفيهي تجاري تربوي رياضي سياسي يمكن بعد عندنا سياسين متابعيننا حطي خطة ان يكون همج وشغلج الشاغل مني لنهاية هالسنة بحيث ماتخلص الا وانتي مخلصته وتبتدين تفكرين بمشروع يديد

4-انتي حطيلج خطه تطورين من نفسج ..لاتكونين أمية بأي شي علمي نفسج بنفسج لاتقولين ماكو شي..تعلمي عشان تفيدين غيرج وتسوين شي بدنيتج وان كنتي من اللي عندهم هموم ومشاكل لازم تلهين نفسج عنها (اهم شي عشان لاتعيزين مبجر )
عندي افكار وايد لكم ……..
منها…….

1-حفظ القرآن او جزء او سورة او اية او ختمه فقط
2-فهم القرآن ودراسته
3-فهم الاحاديث ودراستها او قراءتها عالاقل
4-قراءة كتب مفيدة في تطوير الذات والعقل وتطوير ميولج اللي تحبينه (لاااااااااااااااااازم كلنا نقرا لازم لازم ..كيف لانقرأ ونحن امة "اقرأ بسم ربك الذي خلق ")
5-تعلم لغات(مممكن هالشي يفيدج بالدعوة الى الله اذا مو بشغلج ..راح اتطرق لهالموضوع بيوم ثاني ان شاء الله)
6-تطوير المواهب والهوايات استثمري وقتج ..وحاولي تخلين موهبتج او هوايتج شي مفيد
7- لازم تصنعين من نفسج انسانه مثقفة واعية عاقلة لج هدف بالحياة هدف بعيد( دنيوي واخروي )

لذلك ………
عليكن ..
بالتوكل على الله والانشغال عن المشاكل والتقرب لله اكثر ليعينا على انجاز هذي المشاريع لاتضيعين يومج في التفكير فيما سأقدم ..بل بادري واجتهدي وطبقي ماتنوينه <<لاتسئلوني من وين نزل علي وحي اللغة العربية

ماقريتوا هالاية "وقدمنا الى ماعملوا من عمل فجعلناه هباءا منثورا"
اخلصي عملج لله وحده ..ولاتخللي فيه الرياء ..موضوع الرياء لو تعرفونه عدل جان عرفتوا ان لايكاد احد يخلو منه
لذلك لازم نجاهد نفسنا ونكتم امورنا حتى نبتعد عن الرياء ويستجيب الله لنا وحتى نحتسب الاجر في صبرنا وحتى نقدر على اتمام امورنا دون عرقلة من النفوس الخبيثة <<اضن واضحة هالنقطة

وايضا لايعود الانسان نفسه على افشاء سره ولازم يصبر
ومن اسرر سريرة الى الله وحده ..فلح
فاصبروا وصابروا
وقد سئل احدهم ان هل افشاء السر للاب يدخل في ضمن افشاء السر وعدم الصبر فقيل له لا وانما يفضل ان لاتعود لسانك على الكلام والتحدث بسرك
خصوووووووووصا السكوت عن المصائب والكرب والامراض …ومن صبر فيها له اجر عظيييييييييم
(طبعا هالاشياء توني اتعلمها)
ويذكر بأن امناء الامال كثر ولكن قلة هم امناء الاسرار
السر بعد ان ضاق به قلب صاحبه سيأتي به يوم ويضيق به قلب من حدث له
والسر ان كتمته صرت سيده وان افشيته صار سيدك فلاتكن مملوكا بعد ان كنت مالكاااااااا
عشان جذي لازم لازم نربي نفسنا على كتمان السر
(انا فيني عادة ان سري مااحفظة احب اسولف اما سر غيري محفوظ خخخخخخ سبحان الله..لله في خلقه شؤوون )

والرسول صلى الله عليه وسلم يقول "استعينوا على قضاء حوائجكم بالكتمان"
نصيحة خلوا هالشي بينكم وبين ربكم وربي يوفقنا وياكم
وبانتظار افكاركم ومشاركاتكم