بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمه الله وبركاته
بنات ساعدوني حدي حايسه وموعارفه شي 
بنتي بسم الله عليها بدش اولي روضه
وابي اعرف من وين اشتري لها ملابس للروضه رشحولي اماكن مع الاسعار
وكم غيار تحتاج برايكم يعني اشتري لها 4 كافي ولا لا ؟.gif "Eh S(10)")
وبما اني سجلتها بروضه حكوميه شنو قوانينهم بالنسبه للبس والجوتي وانتو بكرامه والشباصات وهالسوالف يعني
عفيه ساعدوني بخبرتكم يا امهات الجيل السابق
السلام عليكم ورحمه الله وبركاته
بنات ساعدوني حدي حايسه وموعارفه شي
بنتي بسم الله عليها بدش اولي روضه
وابي اعرف من وين اشتري لها ملابس للروضه رشحولي اماكن مع الاسعار
وكم غيار تحتاج برايكم يعني اشتري لها 4 كافي ولا لا ؟
وبما اني سجلتها بروضه حكوميه شنو قوانينهم بالنسبه للبس والجوتي وانتو بكرامه والشباصات وهالسوالف يعني
عفيه ساعدوني بخبرتكم يا امهات الجيل السابق
وبعدين حصلت لها في بروي كانو منزلين كولكشن لونه ازرق نفس لون هدوم الروضه
بس كانو غلايا
والجوتي وانتي بكرامه اسود والدلاقات بيضه
وجوتي الرياضه هم اسود او ابيض على حسب الروضه طبعا
وهدوم الرياضه بالصيف بلوزه بيضه كنت ما الاقي بلوزه بيضه خذيتها مو شرط من الرياضي وشورت اسود
وبالشتا تريننغ كحلي من زرا كنت ماخذه ومن بينتون
ولازم تحطين لها نفنوف ويا هدوم داخليه احتياط عندهم بالروضه
لا سمح الله وصخت ولا انكت عليها ماي ولا اي شي يصير لها يبدلونها بس حطي عليه اسمها
وسلامتج
اللبس هو نفسه ما تغير من اكثر من 35 سنة
الجوتي وانتي بكرامة اسود والدلاغ ابيض.. والشباصات يا ابيض يا نفس لبس الروضة
حبيبتي اربعة كافي لان في يوم يلبسون رياضة
والغيارات 5 كافي
والدلاغ ابيض والجوتي اسود والشباصات نفس لون المريول ابيض وازرق
و 4 كافي
بس اللي بالايوب اسعارهم علي كم ؟
كل عام وانت بخير وان شاء الله الله يوفقها وتشوفينها بالجامعه ..
حبوبه الكل يروح الايوب لان في فناتك وايد باللبس وكل وحده وذوقها …
حمواتي ورفيجاتي ياخذوون من هناك …
ممكن بالنسبه لي اخذ شبابيص من هناك … انا انسانه نظاميه كل شي وله نظامه ….
بالنسبه للروضه والمدارس حلو الياهل يلبس شي رسمي ومرتب
انا احب اشتري من فاميلي كير عندج بالري بجانب النصر الرياضي
مقابل الافنيوز ….
وتكرمين الجواتي اخذه من بابلو سكاي اللي داخل في فاميلي كير
اسباني وواويد ومريحين ويكدوون كل سنه اخذ منهم ولايصير فيهم شي
وفي فرع الرئيسي له في المارينا ..
وفاميلي كير في بالديرة بالبلوكات وجمعيه صباح السالم …
والدلاغات ابيض حسب والله مرات من ماركس & سبينسر
ومذركير ونكست والله يكدوون وشكلهم راقي وبسيط وحق مدارس وقياساته متوفره يعني ماتتعبين لما تدورين .. واسعارهم زينه ..
وتشترين لها ملابس داخليه يديده …
وراح يطلبون منج اغراض والله حسب الروضه ….
الرياضي اخذ من النصر الرياضي او المحلات الرياضيه
شورت اسود وتي شيرت ابيض قطن .. اريح للاطفال .. وتكرمين جوتي رياضي اسود او ابيض حسب قوانين الروضه ..
بالنسبه للعدد كل وحدة وطريقتها وميزانيتها ….
واتمنى اني فدج بشي
ويارب الله يوفق بنتج ويوفق عيالنا كلهم
ونشوفهم باعلى المراكز ..
ودمتم سالمين …
ودام اصغيره 4 زيين
بس حبيت انبهج على شي
اخذي لها جوتي عزج الله رياضي اريح حق اللعب وطول المده
والله يوفقها وتشوفيها بالجامعه يارب
انشالله البنات يفيدونج اكثر
في فوق محل ملابس روضه وحده تفصلهم بس عجيبين واسعارهم من8 والله مو ذاكره
بس ترى بسرعه يخلصون عليهم زحمه وايد بس ماراح تلقين نفسهم باي مكان ثاني
والله يخليلج بنوتج وانشاءالله تشوفينها بالجامعه
اذا ما عجبتج موديلاتهم
رسمي لهم الموديل و عطيهم يسوون نفسه