من يعرف بالأمراض الوراثية

السلام عليكم أيش أخباركم عساكم طيبين
على العموم بدخل بالموضوع على طول أنا والديني أعيال عم وتزوجوا وما يعنون من أي مرض وجابوا أربع بنات وأربع عيال البنات الحمدلله كلهم ساليمين ثلاثة من العيال مصابين بمرض ضمور العضلات واحد فقط سليم ربنا لك الحمد والشكر

والعايلة كلها مايعرفون أحد من جدودنا فية المرض أختي الكبيرة تزوجت وعليها ثلاثه أعيال أثنين الحمد لله تعدوا السن ألي يبين فية المرض وما طلعت فيهم أعراضة لأن أعراض المرض أتبين من عمر ثلاث سنين والثالث توه صغير والبنات الحمد لله سليمات وزوجها يطلع ولدخالي يعني قريب مرة أخوي الوحيد تزوج بس أعياله للحين أصغار يعني مايبين فيهم والبنات سليمات بالطف ربي وزوجت أخوي بعد من العايلة ونا اللحين خاطبين ولد عمي وخايفة لأني قريت عن الوراثة وشلون تنتقل
فقلت يمكن أمي وأبوي يكونوا حاملين للمرض وعيالهم يكونوا مصابين والبعض حامل للمرض
مرة خايفة والتحليل المطبق للزواج مومن ضمنه مرض أخواني فاياليت أي أحد يعرف بالأمراض الوراثية والصفة المتنحية والسائدة وشلون تنتقل الصفات الله يوفقكم لاتبخلون علي بأي معلومة