من يقدر يوصل هرساله لفوزيه الدريع او اي احديقدر يرد علي

السلام عليكم
ماكان ودي اكتب في هزاويه
وقدام الجميع
بس انا طلبت مساعدتكم وان الي تقدر تساعدني تكلمني علخاص
ما حد عبرني
انا وصلت لابعد مراحل الذل
ولحرمان ولقهر
وصلت الى قمه الالم

المهم انا تزوجت قبل 3سنوات وسته شهور
احس ان اكبر غلطه سويتها بحياتي اني ماطلب بيت بروحي

اسمعو

انا لقيت حرب من اول يوم الي هو يوم عرسي
اول شي عشان زوجي رقص معاي وما رقص مع اهله

طيب هاذي تمشي

بس حاربوني عليها
كانو يحسون اني باخذه
الله يخذ عمري اذا انا ودي احرمهم منه

ابو زوجي وقف لي على كل شي تخيلو يوم يقومنا من النوم واحنا عرسان الساعة8الصبح
كنت اقوم ابكي من الخوف من دق الباب
ما اتذكر بايام عرسي اني اكلت معة
كنا ممنوعين من الطلعة نهائي
اروح اهلي مره بشهر واهلي قريب
ولما نروح يعرف الوقت الي رحنا فية
واي رجعنا
عشان مانروح هنا ولا هنا

كنت عند اهلي امشي بحذيان كان يوجة لي كلام الين بطلت
مثل انه مايحب التطور الزايد وادلع وان هذا دلع
كان عندهم كنب بصاله وكنت احب اقعد عليه والله مره كان معصب وانا قاعدة
وشافني والله بنفس اليله رماه بشارع

لما يشوف نور غرفتنا والع والله قعد يصارخ الي نطفيه كانا نمنا
كان ما نعني من الطلعات مع ام زوجي لزيارات
عشان يبغاني اتكلم يبني اقول له ليه كذا عشان يقول لي انه شخصيه مسيطرة

وان كل شي يمش برايه هو

عشلن كذا ما كنت اكلمة
فوق اني كنت اخاف منه

ممنوع الجوال

لما حملت ببنتي البكر ما سمعت من ام زوجي مبروك والله قعدت طول ذاك اليوم زعلانة
كنت اجلس لبكي
اجلس شهر كامل ما اعرف باب الشارع

كنانو كل فترة يطردونا من البيت
انا كنت اجي عند اهلي وما اقول لهم انهم طردونا
فل اخير منعني من النوم عند زوجي الضهر او الدخول الا غرفتي نهائي

بعد ست شهور حملت ببنتي
وذاك اليوم تمنيت انة اخر يوم بعمري

من كثر الضيق الي بي
قلت لزوجي وان ابكي
الله يخليك شيلني وارميني بشارع
قام وشالني وطلعني حديقة
من كثر التعب الي فيني قعدت بلارض

والله اني كنت اكل ورق الشجر
مومن الجوع لا الحمد لله بس من الم الوحام ونفسيتي

طلعت الساعه ثنتين الضهر
ورجعت ثلاث بضبط

والله والله الي بيمر من عند بيتنا بعد ما دخلنا بيقول اكيد فيه احد مات عندهم
من كثر الجدال الي صار

بعد ذاك اليوم تعبت وماصرت اكل
وصرت استفرغ دم

دخلت المستشفى كنت الصيح واسوي اشياء
ماادري شلون كنت اسويا لدرحت اني مره بغيت اهرب من المستشفى

بعدين الاطبا قالو هاذي حاله نفسيه

بعدين قلت لاهلي بكل شي
وزوجي اي قال لي قولي لي اهلك
لانه كل ما يدفع عني كناو يحاربونه

المهم اهلي مسكوني وصارت مشكله الين انتهت اكثر الاشياء هاذي

بس انا ضليت حاقدة عليهم
ما اجلس معهم كثير

واشتغل شغلي الي علي وبس

احس انهم عذبوني وحرموني وسرقو اجمل ايام حياتي

الحين اناوزوجي نبي نطلع بيت
بعد ماتحسنت شوي ضروف زوجي وما رضيو

انا احس اني بموت
كل ذيك الايام صبرت علا امل اني اطلع
وما رضيو
عمي حلف انا منا نطلع الا اذا مات00الله يخليه لعياله00
اناوالله ما ابيه يصير له شي
بس الحين لما حسو انا نقدر نطلع ونعيش رفضز عشلن نضل في ذل

مع انهم كانو يطردونا

انا مادري وش لسوي وادي رضاهم عشان نطلع وهم راضين
بس ما رضيو
وش اسوي شورو علي والله اني اعيش عذاب ثلاث سنوات ونص
علا امل اني اطلع من هل بيت

والله اني ابغرفه غرفه 4في4 وحمام مشترك
وعيالي اثنين والله حتى الفيران عندنا بل غرفه

شورو علي اطلع غصب
او اقعد عند اهلي
وزوجي ما يستاهل اني اخليه
لانه يحبني بس مابيدة شي وهو للحين يحاول واضاهر ان مافي امل

وانا اسفه عل اطاله

ووالله ان ماخفي كان اعضم وان في اشيا نسيتها

مشكورات على الردود
واسفه على الاخطا بل كتابه
وانا ابي شوي تشجيع او احس ان في احد مايدني