مواقفكم الطريفة في السفر

عاد يوم رحنا نطلب من ماكدونالدز في وحده اهي اللي تاخذ الطلبات أشرنا لها على الوجبات الي نبيهم واهي تستعبط تكلمنا فرنسي واحنا نرد نأشر لها على شكل الوجبه ونأشر بيدنا إن عجم البيبسي نبيه عادي مو كبير
وهم ترجع تكلمنا فرنسي واحنا قاعدين نتحلط عليها انا وزوجي ونقول اشفيها هذي ثوله ما تفهم
المهم سكتت شوي جان تطالعنا وتقولنا كبيير والا صغّر !!!!

طبعا هني انا انصدمت طلعت مصريه الحقيره لووووووووووووووووووووووول
جان اقولها بدام تعرفين عربي ليش من مساعه مأذيتنا جان تبتسم وانا وزوجي منفسين عليها لوووول

صج بطت جبدي اشهالاستعباط !!! موقف حده بايخ اشوه اني قاعده اتحلم عليها بالكويتي لووول

اقتباس:

المشاركة الأصلية كتبت بواسطة اللوحة الناقصة عيل شوفي سالفة خالتي لما كنا بسالزبورغ عند الزحلاقيات ،،، كان وقتها مطر وقلتلهم لحد يروح اليوم هناك ترى العواقب وخيمه المهم خالتي الله يهديها من الوناسة مستنة بالزحلاقية ومع ماي المطر الي بالتراك جان اتطيحلج ذيج الطيحه السنعه بس الحمدلله عدت على خير وطلعت منها سليمه الحمدلله بس متها يومها من الضحك عليها وليومج وانا كل ما اتذكر اموت من الضحك يالله بنات وير ار يو ؟؟؟

لوووووووووووووووووووووووووووووووووووول
حرام عليج خالتج طاحت وانتي تضحكين عليها وعليه احس تفشلت الفقيره

وي اذا على الطيحات علوووووووووووم ياما تكرفسنا ودبغنا على ويهنا لووول

عيل بقولج موقف ثاني
هذا صارلي في فرنسا

كنا حاجزين في فندق يورو ديزني
والفندق حده كووول وكشخه وشرح المهم احنا دايم اول ما ندش الفندق نشيل اغراضهم اللي بالثلاجه ونحط اغراضنا
شلنا بطولهم والخمر اللي تارس الثلاجه وحطينا العصير والماي
والا ثاني يوم تينا فاتوره !!! نشوف الفاتوره والا حاسبين علينا بطل فودكا !!
ريلي طبعت طارت عيونه ؟؟ ونزل لهم على طول سألهم عن الفاتوره تدرون شنو طلع ؟؟
الثلاجه مالتهم مبرمجه اذا سحبتي منها اي شي يوصل مسج حقهم ان استخدموا الغرض الفلاني من الثلاجه

لوووووووووووووووووووول عاد زوجي شرح لهم وقالهم البطل موجود بس محد جاسه وردولنا فلوسنا بعد يومين
بس موقف حده يفشل قلت حق زوجي اكيد عبالهم احنا عرب بس مشافيح على طول من اول يوم بالفندق على الخمر لوووووووووووووووووووول

اقتباس:

المشاركة الأصلية كتبت بواسطة white**angel امبي هالموقف دايما كل ما اذكره امووت من الضحك كنا رايحين لندن مع خالتي ولدها كان عمره 10 سنين المهم اول ما دخلنا الفندق عند الرسبشن كان في واحد اسود وبراطمه كبااار المهم قاعد يكلم ريل خالتي على الحجوزات وجذي ويمه ولد خالتي المهم ولا ولد خالتي يعيب على الريال بصوت مسموع يعني انا الي كنت شوي بعيده سمعته واقفين ولا يقول ( اوووله طالع براطمه شكبرهم ) ولا ريل خالتي ابوه يزفه يقوله عيب لوووول ولا ما نسمع الا هالريال قاعد يقول معلش معلش امبي احنا مني ويوهنا لا تشوفينها اهوا من الخرعه انحاش ورانا لووول صج اكثر موقف لمن اذكره اموت من الضحك

لووووووووووووووووووول طلع عربي ؟؟؟
والله فشله ما احب انحط في هالموقف
كل وحده تدير بالها في اوروبا ولا تقعد تطنز وتتحلم وبعدين تتهوقون لوووول

وهذول الاذكيه يصدقونه ويروحون ينشرون الخبر ولمن دروا منوا صاحب الاشاعه راحوا حق ريل خالتي وقالوله الله يعافيك ولدك لا يفاول على ديرتنا
امبي والله بدع فيهم والحريم يدققون على اهلهم صج فلم