موضوع للنقاش بخصوص كثرة التجمعات

السلام عليكم

يشهد الله على حبي لهذا المنتدى الجميل ومن حرصي عليه اتمنى له الافضل
وعشان كذا
حبيت اتكلم معك بموضوع الي صاير حاليا انو كل يومين يطلع لنا تجمع والكلام لكل التجمعات بالبدايه تكون متحمسه وتجيها ثنتين ثلاث معهاا بعد اسبوع اختفوو زهقو ملو الموضوع طار بالصفحات الاخيره محد يدري عنه
بنااااااااااااااااات ارجوكم الي ماعندها قدره اانها تحمسنا ونحمسها اتمنى انها ماتستمر معنا من البدايه
لانه مجرد غيابها يتااثرر مكانها بالمجموعه ويصيب الجميع بلاحباط
يعني نكون متعودين على 15 مشتركه شوي 5 غابووو او انسحبو بسكااات اختفو اكيد راح يكون في زعزعه

عشان كذا الي تبي تستمر معنا لازم تكون جديه ثم الجديه

شفت كثير من الاخوات يعانون من قل الحماس في التجمعات بعد كم يوم وصراحه انا عايشته ملل زهق حتى صاحبة الموضوع تطل قليل
كثره التجمعات تشتت بقوه

اتمني من الاخوات المشرفات ii DareeN ii, سمسميه انه يكون فيه تنضيم اكثر من كذا عشان الكل يتحمس يعني كل تجمع مثلا لوزن معين من 98الى 90 بلون معين ومن 89 الى 80 …الخ
وهكذا لهم شعار خاص فيهم ويصير كل اسبوع تشجيع لتجمع الي نزل اكثر ويكون له مووضوع تهنئيه حبذا وسام شرف لهم وبحيث كل وحده نزلت لوزن معين تنضم للمجموعه التاليه تبع وزنها اتوقع كذا راح يكون اكثر حمااااس وتشجيع وبكذا ماراح يحصل ملل او زهق بالقروب ان شاء الله

بنات اتمنى تفاعلكم
ابي اقرا رايكم واابي راي المشرفات بعد
اعذورني عالاطاله واذا فيه غلط بكلامي انا كتبته بسرعه

مودتي