موضوع : يمكن مااحد تكلم فيه – عطونا رايكم لخواتكم المطلقات

بشكل عام ..

اول شي لازم تتفاهم معاه بهدوء على الأخطاء اللي سووها ..

كل واحد يتكلم عن الأشياء اللي يبيها تتغير .. بدون ما يجرح او يحرج الطرف الثاني ..

لازم تغيرين نفسج أكيد للأفضل من جميع النواحي سواء كنتي متزوجة ام لا ..

التعامل معاه كما يرضي الله مثل ما تقولين هذا شي مطلوب و اساسي ..

لكن في اشياء تعتبر اكسسوارات للحياة الزوجية تزيد الحياة جمال و سعادة و استقرار و هناء

اللي دايما نتكلم عنها بمنتدى الحياة الأسرية مثل الدلع و اللبس و العطور و البخور و الشموع و الخ ..

و اهم شي الشخصية الحلوة .. اللباقة و الأناقة و النظافة و السنع و الابتسامة .. و علاقتج مع اهله ..

و الأهم ..

انج تبحثين في اسباب طلاقج بينج و بين نفسج اولا ..

و ثانيا بينج و بين طليقج .. علشان تتحاشون الوقوع في الطلاق مرة ثانية ..

يعني لازم تتقبلين النقد من طليقج بصدر رحب و عقل متفتح

و تعرفين ان معرفة العيوب فيج هي اول خطوات الاصلاح من جانبج ..

و اذا رديتوا لبعض و توفقتوا ان شاء الله ..

عيشي شهر عسل يديد

فتحي صفحة يديدة و انسي الماضي و لكن لا تنسين اخطائج علشان ما تكررينها ..

خليه يتحسف على الأيام اللي ضيعها بدونج ..

و انتي و شطارتج

و لا انسى اذكرج بتهيئة اولادج نفسيا لهذا المرحلة من حياتكم

و كلميهم عن ابوهم بكلام طيب يترك اثره في نفوسهم

و ينعكس على تصرفاتهم معاه

و يكبرج بعينه اكثر ..

و بالتوفيق ان شاء الله