السلام عليكم
من خلال خبرتي اللي اكتسبتها اخر فترة بوزارة العدل
حابة افيدكم بتجربتي عشان ما تتعطلون نفسي وتعرفون تتصرفون وتستغلون الوقت
اول شي اللي يتم ترشيحها من ديوان الخدمه المدنيه , راح يتم التعيين بمجمع الوزارات وبمكانين فقط يا الشؤون المالية أو التسجيل العقاري
والمسمى راح يكون " باحث قانوني مبتدئ "
والراتب 950 ويقصون منه التامينات يعني تقريبا 900 بالضبط
واجراءات التعيين تكون , اول ما تترشح تراجع مجمع الوزارات اللي بالمرقاب بالديرة مقابل برج التحرير , وتصعد للدور الثالث وتروح قسم التعيين , عند موظف اسمه طلال
وتقدمون له المستندات اللي تم طلبها اثناء ترشيحكم
وبعدين يقولكم الموظف نطروا ندق عليكم بالمقابله
طبعا اذا طولوا اكثر من ثلاث ايام يفضل المراجعه والاستفسار عن سبب التأخير, لانه المسؤول عن المقابلة هو وكيل وزارة العدل المساعد للشئون الادارية اسمه ( فيصل عبدالله الخضير الخميس )
بعد ما يدقون عليكم بالمقابلة, راح تكون ايظا بنفس المكان ولكن بمكتب مدير التعيين , وطبعا المقابله شكليه والاسئلة عادتا تكون شخصيه او عامة
واكثر سؤال يقولونه ( ما هي محاكم الكويت؟ او درجات التقاضي؟ او اذكر ادارات وزارة العدل ؟ او ماذا تقدم وزارة العدل؟ )
وبعد الانتهاء من المقابله يدقون عليكم ويطلبون منكم ست نسخ من المستندات الخاصه لكم وتقدمونها لهم بنفس المكان الدور الثالثه, وبعدها اذا حددوكم مثلا بالتسجيل العقاري راح يدربونكم فيه ثلاث ايام ولما تنتهون يعطونكم ورقة حق الفحوصات الطبية
الحين انتهينا من ترشيح الديوان
–
طبعا نصيحتي لكم الحين اذا مو مستعجلين عالوظيفة وتبون مكان زين وراتب افضل ومسمى, اعلا راتب هو مأمور التنفيذ تابع للادارة العامه للتنفيذ المدني, راتبهم تقريبا 1120
وتحته ادارة التنفيذ الجنائي والاتصالات الخارجية, ولهم مكاتب بكل محافظات الكويت وبقصر العدل وبالمطار وراتبهم تقريبا 1060, ولما يقصون منه التأمينات يبقا تقريبا الف وخرده
وبعدين في ادارات مثل ضباط الدعاوى, لجنة دعاوى النسب, التوثيقات الشرعيه
هذيل كلهم لهم مسميات مختلفه عن باحث قانوني مبتدئ, ورواتبهم اعلا
وانا افضل انكم تقدمون على هالادارات مثل مأمور تنفيذ او التنفيذ الجنائي, التقديم يكون ايظا بمجمع الوزارات, تقولون لهم نبي هالادارات واهما يسجلون لكم البيانات, ويقولون اذا اوصلتنا طلب حاجة راح نكلمكم
وطبعا مرافق القضاء كثير مثل امين سر جلسة وغيره
هذا اللي اعرفه قلته لكم والله يوفق الجميع ويسهل أمركم يارب
السلام عليكم
من خلال خبرتي اللي اكتسبتها اخر فترة بوزارة العدل
حابة افيدكم بتجربتي عشان ما تتعطلون نفسي وتعرفون تتصرفون وتستغلون الوقت
اول شي اللي يتم ترشيحها من ديوان الخدمه المدنيه , راح يتم التعيين بمجمع الوزارات وبمكانين فقط يا الشؤون المالية أو التسجيل العقاري
والمسمى راح يكون " باحث قانوني مبتدئ "
والراتب 950 ويقصون منه التامينات يعني تقريبا 900 بالضبط
واجراءات التعيين تكون , اول ما تترشح تراجع مجمع الوزارات اللي بالمرقاب بالديرة مقابل برج التحرير , وتصعد للدور الثالث وتروح قسم التعيين , عند موظف اسمه طلال
وتقدمون له المستندات اللي تم طلبها اثناء ترشيحكم
وبعدين يقولكم الموظف نطروا ندق عليكم بالمقابله
طبعا اذا طولوا اكثر من ثلاث ايام يفضل المراجعه والاستفسار عن سبب التأخير, لانه المسؤول عن المقابلة هو وكيل وزارة العدل المساعد للشئون الادارية اسمه ( فيصل عبدالله الخضير الخميس )
بعد ما يدقون عليكم بالمقابلة, راح تكون ايظا بنفس المكان ولكن بمكتب مدير التعيين , وطبعا المقابله شكليه والاسئلة عادتا تكون شخصيه او عامة
واكثر سؤال يقولونه ( ما هي محاكم الكويت؟ او درجات التقاضي؟ او اذكر ادارات وزارة العدل ؟ او ماذا تقدم وزارة العدل؟ )
وبعد الانتهاء من المقابله يدقون عليكم ويطلبون منكم ست نسخ من المستندات الخاصه لكم وتقدمونها لهم بنفس المكان الدور الثالثه, وبعدها اذا حددوكم مثلا بالتسجيل العقاري راح يدربونكم فيه ثلاث ايام ولما تنتهون يعطونكم ورقة حق الفحوصات الطبية
الحين انتهينا من ترشيح الديوان
–
طبعا نصيحتي لكم الحين اذا مو مستعجلين عالوظيفة وتبون مكان زين وراتب افضل ومسمى, اعلا راتب هو مأمور التنفيذ تابع للادارة العامه للتنفيذ المدني, راتبهم تقريبا 1120
وتحته ادارة التنفيذ الجنائي والاتصالات الخارجية, ولهم مكاتب بكل محافظات الكويت وبقصر العدل وبالمطار وراتبهم تقريبا 1060, ولما يقصون منه التأمينات يبقا تقريبا الف وخرده
وبعدين في ادارات مثل ضباط الدعاوى, لجنة دعاوى النسب, التوثيقات الشرعيه
هذيل كلهم لهم مسميات مختلفه عن باحث قانوني مبتدئ, ورواتبهم اعلا
وانا افضل انكم تقدمون على هالادارات مثل مأمور تنفيذ او التنفيذ الجنائي, التقديم يكون ايظا بمجمع الوزارات, تقولون لهم نبي هالادارات واهما يسجلون لكم البيانات, ويقولون اذا اوصلتنا طلب حاجة راح نكلمكم
وطبعا مرافق القضاء كثير مثل امين سر جلسة وغيره
هذا اللي اعرفه قلته لكم والله يوفق الجميع ويسهل أمركم يارب
مأمور تنفيذ, المسمى يكون: مأمور تنفيذ
ضابط الدعاوى, المسمى يكون :ضابط دعاوى
لجنة دعاوى النسب, المسمى يكون: محقق
التوثيقات الشرعية, المسمى يكون: موثق
واكيد كل انسان يهمه المسمى والراتب وطبيعة العمل
وشكرا على الموضوع اختي
مأمور تنفيذ, المسمى يكون: مأمور تنفيذ
ضابط الدعاوى, المسمى يكون :ضابط دعاوى
لجنة دعاوى النسب, المسمى يكون: محقق
التوثيقات الشرعية, المسمى يكون: موثق
واكيد كل انسان يهمه المسمى والراتب وطبيعة العمل
مرحباااا اختي بقيت اسأل عن مأمور تنفيذ
وضابط دعاوي
شنو يقبلون اي شهاده
وجزاج الله خير
الله يوفقج ويسر امورج
بس اذ عندج علم بطبيعة عمل المنفذ الجنائي ومامور التنفيذ وضابط الدعاوي ……. إلخ
وشكرا على الموضوع اختي
اذا تقصدين الاعمال الممتازة فهي اعتقد موجودة باغلب الوزارات
وضابط دعاوي
شنو يقبلون اي شهاده
وجزاج الله خير
اختي غير الحقوق اتوقع الشريعة الاسلامية لانه هالتخصص يدش كل وظائف الحقوق
وما اعلم اذا فيه غيرهم
الله يوفقج ويسر امورج
بس اذ عندج علم بطبيعة عمل المنفذ الجنائي ومامور التنفيذ وضابط الدعاوي ……. إلخ
اختي اعرف بعض المعلومات عنهم واتشرف بالخدمه
اولا التنفيذ الجنائي, انتي تنفذين بعض الاحكام الجنائية يعني جدامج الكمبيوتر واستخدامج كله فيه, كمثال تحطين اوامر الاستئناف للحكم ام المعارضة
وايظا الي عنده منع سفر بحكم جنائي يمرج
وطبعا يعطونج صلاحيات معينه ويعلمونج عليها كله بالكمبيوتر وسهله بيومين تتعلمينها
–
بالنسبه لمامور التنفيذ, تقريبا شبيهه للمنفذ الجنائي, يعني فيها اقسام مختلفه كمثال قسم البنوك يعطونج احكام قضائية بحجز رواتب البعض لعدم السداد بموضوع او عليه مشكله, تاخذين ورقة الحكم وتروحين البنك وتعطينها لهم
وفي قسم يسمونه المنقولات, كمثال واحد مؤجر بشقة رفض السداد او ما يبي يطلع من الشقه تروحينله ومعاج شرطي وتجبرينه على التنفيذ, وعندج سلطة وصلاحيات يعني من حقج تسمحينله بمدة معينه او مهلة منج انتي
وللعلم وظيفة مأمور تنفيذ فيها بصمة دخول بس وماكو خروج, يعني تبصمين الصبح تخلصين شغلج تردين لأهلج عادي مخلصه الساعه 10 الصبح
–
وبالنسبه لضابط الدعاوى, تكتبين صحيفة الدعوى, مثلا يمرج واحد عنده قضية طلاق او نفقة او اي مشكلة وانتي تكتبين له الدعوى
واكيد راح يعلمونج بشغلج ويساعدونج لين تتمكنين
يعني باختصار ضابد الدعاوى مثلل المحامي بالضبط راح تعرفين كل شي وكل القضايا بتمر عليج بلاوي
–
وهذا اللي عندي اختي واتمنى اني فدتكم
الصراحه معلومه جديده
ودي اخدمج بس للحين ما تعينت انا ادعيلي بالخير والله يوفق الجميع
مامور التنفيذ فيها اقسام وايد
انا ذكرت مثال على قسمين فقط وهم البنوك والمنقولات
ممكن قسم البنوك يكون حلو للبنت
تروح البنك تسلمه ورقة وتمشي بس
ماكو احلا من جذي لووول
الله يوفقج ويسر امورج