موظفات مؤسسة البترولأو إللي عندها احد بالمؤسسة وتقدر تساعدني تتفضل

السلام عليكم

بنات انا وايد متظايقة من دوامي والشكوى لغير الله مذله وانتوا خواتي وانا بحاجة لمساعدتكم

مثل ماقلت إللي عندها احد بالبترول او اهيه بالبترول وتمون على ناس وتقدر تساعدني ترد علي

مسؤولي اقشر وحده مضايقني والموظفين إللي معاي بالقسم كل من قب وانحاش وشاف له قسم ثاني
وإللي طلع بره الشركة بنقل وإللي طفش وإللي استلمه تفرغ نقابي ومابقى احد بالقسم يجابله ويناجره غيري
وانا مو من النوع إللي لي لسان .. يظلمني ويخصم علي وانا ساكته
ويطوف لغيري ويتعامى عنهم وعن تأخيرهم وما يخصم ولا 50 فلس .. وانا ساكته
صار لي معاه الحين 7 سنين موقادره اتحمل اكثر من جذي تكفون ساعدوني ابي اطلع بره الشركة وانتقل لشركه ثانية غير إللي انا فيها .. حتى اني كملت دراستي ومو راضي يعدل وضعي ومخليني على الثانويه وشهادتي مافي منها وايد كويتيين واغلبهم هنود وبشركتنا بحاجه لكويتي يمسك هالمكان بس من لعانته مو راضي خصوصا ان شهادتي تابعه نفس القسم إللي انا فيه وغصبن علي لازم اخذ موافقة المدير إللي بنتقل عنده اذا كان يبيني والا لأ، وانا من قرادتي اني عنده الحين وانا على شهادة الثانوية وعلى شهادتي الثانية وماكو حل إلا اني اطلع من الشركة لان نفوذه فيها كبير ومن ظلمه الكل يتحاشى ينتقل
لقسمنا..

انا بانتظار ردودكم وعارفه ان كل شارب وله مقص

ادعوا لي بالتوفيق حبيباتي