موظفة كادر (المستوى الوظيفي د،ج،ب . ) اي استفسار حياكم

انا بالمناطق مو بالوزاره

الله يعطيج العافيه صراحه على هالموضوع اللي بتخدمين فيه خواتج وبالنسبه انه البنات يقولون انكم حاسدين المعلمات ما يقصدونكم والله وانتوا همن يالاداريات الخير والبركه وتتعبون وكلن يتعب بوظيفته ونتمنالكم الخير همن مثل ما جانا وانا اقولج حبيبتي عشان ما تزعلين همن في معلمات ما يستاهلون الكادر في معلمات ما يشتغلون ويتذمرون وعلى كيفهم الشغل انا وحده في مدرسة معاي هالنوعيه من المعلمات ومثل ما انتي تشتغلين همن في غيرج من الاداريات ما يشتغلون يعني الطماطه الخايسه تخيس الكل الواحد لما يعمل بجد واجتهاد والله لاخرته مو لدنياه والله يجزاج خير على هالموضوع …

حبيبتي اشكرج على مبادرتج وروحج الحلوه و يعطيج الف عافيه
و بالعكس الاداريات خواتنه و بناتنه و النعم فيكم كلكم و بصراحه مو مقصرين

انا اتكلم عن تجربتي في مدرستي الاداريات عسل و ماشالله عليهم شاغولات و مو مقصرين
و لا يأثر فيج كلام البعض من المعلمات
حياج الله انتي و كل الاداريات بينه

العلاواة تنزل سنويا لكل موظف و اللي يعطلها ان التقرير يكون ضعيف اسم الله علينا
و الدرجه تكون كل خمس سنوات يعني مثلا
توظفتي 2018 على الدرجه الرابعه و علاوه
2018 علاوتين
2018 3 علاوات
2017 4 علاوات
2017 5 علاوات
2017 الدرجه الثالثه و علاوه
و هذي تكون بحالة الدرجه بالاقدميه اما الدرجه بالاختيار تكون بيد مديره المدرسه

بالنسبه حق زياده العلاوه او الدرجه تقسم بين الراتب الاساسي و الاجتماعيه
و للعلم التامينات يخصمون منها يعني بصافي الكتاب ما تبين معاج ان انضافت 10 زياده ع المعاش

بالنسبه حق الكادر
كل معلمه اول تعيينها تكون معلم د سواء كانت تربيه اساسيه او جامعات اخرى
بس اللي شهادتها دبلوم تكون معام هـ و هالشهادات يكونون اكثرهم معلمات الموسيقى

من معلم د الى ج بالنسبه للي شهادتها تربيه اساسيه (جامعي تربوي ) الشروط
خبره سنتين ، اجازات لا تزيد عن 90 يوم متواصل ، ما يكون عندها عقوبه (قانونيه) و اهم شرط السنتين يكونون امتياز
اما بالنسبه للشهادات الاخرى الجامعيه (جامعي غير تربوي ) نفس الشروط بس الاختلاف
خبره 3 سنوات و اخر سنتين يكونون امتياز

من ج الى ب و من ب الى أ يتضمن كل الشهادات و الشروط نفسها بس الاختلاف
خبره 3 سنوات و اخر سنتين امتياز

من أ الى متخصص ب و من متخصص ب الى متخصص أ يتضمن كل الشهادات و الشروط نفسها بس الاختلاف
خبره 4 سنوات و اخر سنتين امتياز

اتمنى يكون جوابي وافي

انا بعرف اذا انا شهر ١٢يصير لي خمس سنين وادش بالسادسة يعني الثالثة راح اصير وللحين المسمى د جم راتبي راح يكون