تخطى إلى المحتوى
الرئيسية » موعدي قرب ابي دعواتكم بالشهر الفضيل

موعدي قرب ابي دعواتكم بالشهر الفضيل

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم جميعا
ومبارك عليكم الشهر مقدما
بنات ابي دعواتكم لي اقوم بالسلامه

بسوي عمليه شد للبطن تاريخ 4 يعني رابع يوم رمضان التوقيت بايخ حده
بس شسوي موعدي صار بالهوقت وريلي كل يوم يتحلطم علي الوقت
انا بسويها بمستشفي الفروانيه عند دكتور حمد العجمي
الي سامعه عنه شي او مسويه عنده طمني ضروري

ولي الدش الموضوع تدعيلي ارد حق بيتي وعيالي
بأذن الله راح اكتب لكم بالتفصيل

14 أفكار بشأن “موعدي قرب ابي دعواتكم بالشهر الفضيل”

  1. علينا وعليج يتبارك حبيبتي
    الله يوفقج حبيبتي
    تقومين بالسلامة «««««« طمنينا عنج

    وما أعرفه صراحة »»»»» مبروك النيو لوك مقدما بس جنه يمدحون واحد اسمه أشرف
    بالتوفيق



  2. الله يوفقج ولاتنسين تاخذين معاج الكورسيه ولا تنسين تاخذين عباية راس احتياط معاج لان لما يلفونج ماراح تقدرين تلبسين عبايتج
    والله يقومج بالسلامه…



  3. وحده معانا بالدوام مسويه عنده

    أهي عمرها ٤٣ وضعيفه بس سوت شد بطنها
    وماشاءالله لا اله الا الله أسبوعين داومت وما تاذت و غير هذا النتيجه رووووووووووووعه

    الحين صار لها ٧ اشهر تبارك الرحمن بطنها بظهرها روعه

    شدي حيلج والله بقومك بالسلامة ان شاءالله
    وتردين لعيالج و بعلج خخخ

    مبارك عليج و عليكم الشهر الفضيل



  4. baby
    ام حور
    ام توتا

    مشكورين حبايبي علي الدعوه الله يوفقكم يارب بحياتكم

    زقرتيه ذكرتيني بالعبايه ماكانت علي بالي ماتقصرين



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.