مو طبعي الجذب

مدارس حب بنينة بوسط الكلوب
و معانات العشك بيهن لكينه ….
درس الحب صعب و شلون أقراه
أذا أول درس بيك أبتدينه ……

مو طبعي الجذب لو كلت احبك موت
لأن حبي الك ما صار من نظرة
و لا طبعي الجذب لو كلت ميت بيك
لان دونك أحس مخنوك بالعبرة
و مو طبعي الجذب لو كلت ما أنساك
لأن صورة خيالك بالكلب جمرة
ومو طبعي الجذب صدكني هايم بيك
لأن حبك بالصدري نار مستعرة

و حك الي بده القران بسمه
تركني و ضاعن من شفاي بسمه
الكلب ما صاح بسمي صاح بسمه
لأن هو الكلب و الروح بيـــــــــــه